346.


廣闊白色既大堂…
人來人往…大型行李係周圍穿梭…

樂宜…妳係邊到?

「會唔會趕唔切嫁?」



『我唔知道…』芷螢搖搖頭…

早知…琴日應該唔理三七二十一問左樂宜會去邊個閘口…

抬起頭望一望遠處既時鐘,而家係七點十五分...
個陣既我…七點先趕去機場…即係一定仲有時間…

我握緊黑色外套入面...個條頸鏈...

唔可以失敗…


兩邊都係…

「等我...樂宜...」
 
*
 
十九小時前

「我決定要任性一次…」



『下…?』芷螢疑惑

「經過呢兩日…我已經諗得好清楚…點解…」

去機場追樂宜…去修頓救阿彥…

「點解我非得要選擇一樣黎做喎…?」

『因為…』

「因為以前既我無得選擇…唔係…」我搖搖頭「應該係話選擇有限…」

『家…蔚…?』

「芷螢…我覺得…你會比預定既時間早咁多黎到…絕對唔係偶然…


就算係偶然…都一定有佢既道理…有佢既原因...」

我慢慢行埋去芷螢面前…

「我…既然選擇邊一邊都會有遺憾…不如…」

就借呢種遺憾…

『喔!』芷螢好似醒起D野…

「我想…令到遺憾唔再存在…再認真去考慮清楚…」

我握緊芷螢胸前既時光機…

『但係…咁樣…家蔚你又會犯上時空法…』



「我已經考慮得好清楚…」我向芷螢笑一笑「不顧一切...挑戰命運...」

就算你地話我任性都係咁話…

追樂宜,救阿彥…
我兩樣都要做!

然後…等佢地兩個…
都完好咁係我面前…等我有時間…

做一個…永遠唔會後悔…發自內心…

學芷螢咁講…”順應自己想法”既行動…



同決定…

*

『去澳洲既班機…?應該已經準備好入閘?』其中一個地勤既女服務員同我講

「唔係掛…」

樂宜既電話又聯絡唔到…
唔通…佢係唔想係呢個時候有任何後悔先關左電話?

『媽!家蔚!』遠處傳黎芷螢既大嗌『個邊呀!』

我望向芷螢指既方向…有個女仔…拖住一個好多圖案既行李…
準備行入閘…



我乜都唔理...心入面只有一個念頭...
一個勁衝去個個背影到…唔理會唔會撞到人…唔理咁做會唔會比人捉住...

因為...我知道咁做係正確...

之前既我…我完全明白你既心情啦…
個種…猶如電影人物中既心情…個種…有想捉緊既人既心情…

一定會成功…只要懷住呢份心情就一定會…

「樂宜!」

原本已經拎起證件準備過閘既背影微微震一震…然後慢慢擰轉身…

『家…家蔚…?』樂宜驚訝『點解…』

我知道…今次我一定做到…因為心情…好明確…

「唔好走…」簡單三個字…加上一個擁抱…

明白嗎…樂宜…
 
*
 
我既視線無辦法脫離阿彥…
就算波個距離同阿彥差唔多成半個場…我都係一直盯住阿彥…

「最衰無望遠鏡…」

『太誇張啦掛…』芷螢係後面講

「唔誇張!阿彥佢隨時會訓低嫁!」我激動咁講

『唔好咁大聲啊…』芷螢慌張咁回應…

但而家都好正常,阿彥…就同之前既佢一樣…表現好出色…
但對手都利害…甚至…我睇得出整體實力甚至我地學校更好…

所以而家係稍微劣勢…

啊…我唔應該注意呢d…應該要專注留意阿彥…

『家蔚…?妳係到既!』隔離突然傳黎小藍既聲音

『啊…』後面芷螢驚慌咁嗌一嗌

「係…係啊…」

『坐過去一齊睇啦?不如?』小藍提議…

「唔好啦…我…我想一個人係到睇…」

『點解啊…』

點解係呢個時候煩我喎!

『哇~』突然球場周圍都傳黎驚訝既叫聲…吸引左小藍既視線...

「阿彥!」我反射性彈起身…

咦…?阿彥仲完好咁企係到,可能因為聽到我大嗌,
佢而家向住我微微一笑,舉起右手姆指…

『係咪十二碼?』小藍問

「下…?」

『哇!黃道輝佢好似搏到個十二碼!?家蔚妳真係唔過去睇?』

「唔…唔啦…」

『回心轉意就過黎啦!哇,阿麻…我真係唔敢相信…』講完,小藍就行返去大伙個邊…

『呼…』芷螢佢鬆一口氣『差d比佢地認出…』

「十二碼嘛…」呢種感覺真係好熟識「唔通…」

果然…呢球十二碼決定由阿彥主射…
我記得…之前既練習賽就係阿彥主射…入左…然後我衝埋去錫佢面頰一啖…

就係因為個次經歷...我同阿彥...先可以變成而家咁...

真係懷念…

*