347.


我緊緊將樂宜攬住...
用盡…琴晚無用到既力量…

『表…家蔚…點解…你會黎…明明叫左唔洗…』

「我…我唔想妳走…我唔想…」



『下?』樂宜驚訝『就係因為咁!?』

「因為我要阻止妳去澳洲!」我捉住樂宜既雙手,盯住樂宜雙眼..

大而雪亮既眼白…啡色既瞳孔…清澈得可以反射到露出堅決表情既我...

「跟我走…樂宜…」我擰轉身…想拉樂宜離開呢個閘位「咦...?」

但係…拖唔郁…
樂宜…仲係企係到…dup低頭…唔肯走。


 
「樂宜…」

郁都唔郁…

『夠啦…』樂宜保持住dup低頭…見唔到佢雙眼…

誇張d講,就好似有陰影係佢頭既上半部份,遮住佢雙眼一樣…

「樂宜…」



『我…唔會跟表哥你走。』

「我知…所以我先要強行…」

『就算強行,我都係唔會…我都會襯表哥…唔為意既時候…走…』

我見到,佢握住行李既手握得好實…好用力…

『就算…唔要呢個行李…我都要走…』樂宜用低沉既語氣講

「樂宜…點解…」

『表哥…雖然…我大概都明白你黎既目的…但係…』



「明就夠啦!樂宜!只要妳明白…我又明白…咁樣仲有乜野問題喎...」

『就係因為明白…』樂宜佢抬起頭『所以我先更加要走…』

「點解喎!點解妳係要咁固執!」

『固執既係表哥唔係我!』樂宜佢已經眼濕濕『明明…我已經做左咁多野…』

「正正就係因為妳做左咁多野!所以…我先知道我唔可以無左樂宜…唔可以!」

『咁就等我離開!我唔會再為表哥…做任何野…』

「就算唔做…我都唔可以無左樂宜…」

『夠啦夠啦夠啦!』樂宜連珠爆發『夠啦我唔想聽!』



...

『我只係想走…嗚…比我走啦…表…表哥…嗚…』

樂宜佢…終於喊起上黎…

『求下你…嘉…嘉為…』

*

「入左…」

我雙手放係口面前…因為…我好驚訝…
雖然…我一早已經有信心…但係…



依然好驚訝…

旁邊…我地學校個班女仔亦都一樣…歡呼聲…

『邦彥!邦彥!邦彥!』

我好想加入埋一份…一齊歡呼…一齊嗌…
如果唔係仲比賽更...我一定衝埋去...好似之前咁...

阿彥...你真係太勁啦...

對面隊個野都好激氣...
事實由我地隊拎到十二碼開始已經係...



包括kevin...

佢而家罵更自己隊友...岩岩唔小心踢低黃道輝既隊友...
我見到比人罵個個人好激氣...塊面已經紅哂...

雙眼...

然後...我彷彿預計到發生乜事咁...
我慢慢行落石級...準備...做好準備...

個個人...比kevin罵既球員...慢慢行埋去阿彥隔離...

兩秒之後...阿彥成個人訓低左...

「阿彥!」
 
情況…突然之間轉變得好混亂…

『家蔚!』芷螢係後面大叫...之後即刻衝去前面...

「我知道…」我都開始…快步跑去阿彥身邊…

呢大約廿米既距離…感覺好似我人生最長既廿米一樣…

阿彥佢而家比一群人包圍…包括黃道輝…
所以我見唔到阿彥個樣…但佢應該…好痛苦…

『唔好圍住佢!唔好圍住佢!』其中一個應該係裁判既人揮哂手大聲咁叫

『我…我無啊!我真係無打到佢!』岩岩疑似打中阿彥既人大聲咁解釋

『食撚屎啦你!』黃道輝好激動…打算衝去個條…個個人既中途比隊友攔截住…
『放手啊…我要打到條仆街…屌你老母!』

『我真係無啊!我係有出手…但但…但係根本就打唔中!』

『係啊…我可以做證!』另一個隔離學校既球員講

『屌你!』其中一個原本攔住黃道輝既大嗌『你同校更係幫佢嫁啦!』

好混亂…好…好可怕…
我唔知點可以穿過呢個充滿住怒氣既人牆入面…

搵到心中想搵既人…

『真係無啊!我…』疑似打阿彥既個個人已經急到喊起上黎
『信我啦屌…佢明明避到…我…我根本就無打中佢…』

『家蔚…』前方既芷螢(唔知幾時入左去…),係到揮手叫我…

我雙腳顫抖得好利害…好驚…阿彥…到底變成點…

芷螢見我唔敢前進…就行返轉頭捉住我隻手…拉我入去…
然後…我終於見到佢…

訓係草地上面…既阿彥…
佢好痛苦咁…禁住個胸口…呼吸…好急速…

『報警啦!叫救護車呀!』

『係…係…』

「阿…阿彥…」我好頭暈…

就算…明知呢個情況會發生…但我都好頭暈…
周圍既罵喊聲頓時變得模糊…

阿彥佢…痛得全身都出哂汗…甚至開始流出眼淚…

點...點做好...

我…我既存在…真係有用…?
而家阿彥係傷左…我…我真係可以做到野幫到佢…?

我…

然後…阿彥放係胸口既手…突然鬆一鬆…跌左落草地上面…

急速既呼吸…亦都同一時間停左…
就好似...突然訓左一樣...

但係...

唔係...

唔係訓左...

阿…彥…?
 
*