349.


「阿…彥…?」

岩岩…我感受到阿彥隻手…郁左一下…
而且…閉住緊眼既眼皮…亦開始微微顫抖…

「阿彥!醒呀,我係家蔚呀!阿彥!」



阿彥嘴唇慢慢張開…『小…蔚...』

雖然係短暫而細聲既一句…
但比我既感覺就好似代表希望的救贖之聲一樣…

「阿彥…阿彥!」

只要救護車…可以早d到…

但呢個放工既時間…救護車一定唔會咁快…


可惡…我應該…早一步…

『救護車到啦!讓開,各位讓開!』遠處突然有人大嗌...

「救護車…?」

下…?

『點解會咁快既?』芷螢驚訝『邦彥佢…有希望啦!』



「係呀…係呀!」我都激動埋一份「阿彥…頂住呀…」

一定要頂住呀!
 
好快,就有兩個救護人員推左張抬床黎到我地面前…

『讓開…讓開…』其中一個救護人員同我講

「我...我係傷者個女朋友…」

『小姐,咁妳都要放手我地先可以抬起佢…』

「但係…」

我唔想放手,係因為…我好怕阿彥一放手…


我同阿彥既連接就會中斷…阿彥…就會失去生存既意欲…

所以…就算一秒都唔想…

『抬完佢上去再握啦…小姐。』救護人員無奈咁講

「嗯...」但...我唔可以任性...

醫院,一定要盡快送阿彥去醫院...

「我要放手啦…阿彥…」

千其唔好有事…只係幾秒咋…只係…

放手個一刻...我個心猛烈咁震一震...


恐懼...再一次傳到我身上...

兩個救護人員抬起阿彥,好穩陣咁將佢放係抬床上面…
係佢地未叫得個陣,我已經再次捉住阿彥隻手…

『而家d年青人真係…』岩岩表示無奈既救護人員搖搖頭講

我只係尷尬咁dup低頭...
心...再次平靜起黎...

好快,佢地就將阿彥推到去救護車車尾…

『救練要上車…至於妳…』

「我一定上…仲有佢…」我用另一隻手指住芷螢



『唔夠位啊…只可以上一個…』救護人員搖搖頭

『家蔚。』係我開聲之前芷螢就先講『你先上去…』

「芷螢...」

『邦彥需要既係你,保持聯絡啦...』

多謝你…芷螢…
如果唔係你…我一定仲會好迷茫…

『要先做急緊既診治…妳可以繼續捉住…但千其唔好太大力啊。』

「嗯…多謝…」



『講起上黎佢真係好彩…如果唔係咁岩有個誤電...話附近有人暈左...
我地至少要遲多十五分鐘先趕到...咁樣佢一定好危險…』

「下…?」

我驚訝...但好快...我就明白係乜原因...

「阿彥…」我坐係阿彥隔離…雙手仲係緊緊握住佢隻左手…
「你曾經話過…會捉住我…唔會放手…當時我...真係好感動…而家…」

就由我代替阿彥你…由我捉住阿彥你…

「我唔會比你走…絕對唔會。」
 
*
 
眼淚…已經停唔到…
我有個感覺…就係呢日之後…我雙眼可能會盲…

但唔可以…絕對唔可以…

(...嘉為。)

錄音筆最後兩個字...深深烙印係我腦海...

『家蔚…?樂宜佢…講左d乜…』

「仲…仲趕唔趕得切…?」

『下?』

「飛機…」我擰轉身,望向有警衛守住既閘口「我…我想…」

『我明白啦。』芷螢行係我隔離『等我幫手啦。』

「但係…唔知會發生乜野事…」

『嘿嘿…』芷螢笑一笑『你覺得…小芋會有我一個人…留係警衛室?』

「芷螢…」

『準備好啦...五秒後…今次係最後機會啦…』
芷螢慢慢向前行『今次…一定要比個好既結果我睇到啊…』

「嗯!」

芷螢由緩慢既步伐,開始慢慢加速…最後

『哇啊啊啊啊啊!!!!!』好有佢既風格,邊嗌邊跑...

跑向兩個警衛到...

『喂…你想點啊?』『哇?做乜』企係閘口既兩個警衛,對於芷螢呢個舉動都好驚訝

芷螢就係呢一刻…穿過兩個警衛…

『哇啊啊啊!!!!領匯尋你老味啊啊啊啊!!!!!』

兩個警衛理所當然地,就係同一時間轉身去追芷螢…
原本拎起護照機票準備比警衛核對既個家人都張目結舌...愣住係到…

五秒已到…就係呢一刻…
我回想起” love actually”既其中一幕…估唔到…
戲劇性既發展…今日就要發生兩次…

我開始加速腳步…
跑入無人看守既閘口…個家人只係結結巴巴咁望住我…

但大家都清楚…入左呢個閘之後,係有第二關…
我見到芷螢佢…已經比一兩個大漢捉住...

『喂…我…我係女仔黎嫁!我要大叫非禮!』

『咩話?你咁既衣著…邊有可能』

『非禮啊!!!非禮啊!!!』估唔到芷螢真係嗌起上黎…

全部人,包括另外幾個關卡既客服都不約而同望向芷螢個邊…

『咪住…』其中一個女客服認真望一望『呢把聲...仲有個樣…好似真係女仔黎…』

『唔係掛…』其中一個大漢即刻放手…芷螢跌低…

我只有一次機會…雖然…我清楚我有好大機會比人捉住…
但我目標好明確…不顧一切…

因為…原來好簡單…

非常簡單…