351.


『已經…一個鐘。』邦文佢唔知幾時去到我隔離

呢一小時,時鐘嘀噠嘀噠既聲音就好似一個鎚一樣…
不斷擊打我個心臟…

好痛…但我知道…阿彥一定更加痛…



阿彥屋企人,就係一邊坐係到…佢媽媽喊得好利害…攬住阿彥爸爸...

『喂!』邦文佢企直個人『個燈熄左啦…』

「阿彥!」我比邦文更快衝去門口…醫生面前...

醫生個樣…好嚴肅…或者係因為我睇唔到佢被口罩遮住既嘴巴…

然後…
醫生佢除底個口罩…我見到既,



係滿意既笑面…
然後係一個,令到我個心更加激昂既點點頭…

「哈…哈哈…」我雙腿重新無力咁跪係到「哈…」

就算我會無啦啦心臟病發我都唔驚訝…

『小蔚…呼…』邦文係我後面講『太好啦,係咪?』



「嗯…」打從娘胎以來,第一次認同邦文…

『嗯…?我記得小樂係今晚飛…點解妳無去接佢?』

「我…」我企起身「而家就去。」

*

『原來…個誤電就係家蔚你打?』係警衛室,我同芷螢而家比人捉住左…

但可能佢地見我地都係女仔,又後生,所以無上鎖扣…
不過好正常係有幾個警衛(女仔)監住我地…

「嗯…係機場門口個陣…我先打左電話…話球場附近有人暈左。」



除左我,唔會有其他人會咁做…無錯…

「咁而家點算…我…我想快D返醫院…去望阿彥…」

『嘿嘿,放心啦…家蔚。』

一講完,警衛室既門口就打開左…

入黎既係…

「冰瑤!」仲有一個…外國…定混血既人。

『benjamin,』個個混血既叔叔自我介紹『我係黎接妳地走既。』

「芷螢…」



『去見邦彥啦,家蔚。』冰瑤講『不過係車上面絕對要話比我知道發生乜野事…』

「嗯…但首先…冰瑤!」我捉住冰瑤隻手

『嗯?』

我一手…握住錄音筆…一手…感受住阿彥…送比我手鏈既觸感…

「我有樣野要拜託妳!」

最後既決定。
 
*
 


係機場外面,準備上車個刻…我見到有一班飛機已經起飛左…
如無意外…樂宜妳應該就係上面?

『我…唔跟你地車啦。』當我上左車之後,芷螢講

『why?』前排既benjamin驚訝...

「下?芷螢…?」

然後我注意到…芷螢後面…有一個細少既身影出現

係小芋…

『約定既日子已經到啦。』芷螢微笑



『嗯!』小芋點點頭『我要帶走芷螢啦…』

「咪住…」我即刻行返落車...

點可以...

『行啦,家蔚...』芷螢講『我…我要承認自己既錯誤…就一定要接受懲罰…』

「芷螢…」

『更何況…』芷螢佢拎起手上面既時光機『目的完成左…我本來亦都唔可以再長留係到…』

「下…?」

『一月九日…本來就係我既期限…家蔚。』

期限…

「但係...但係!」

『家蔚,』冰瑤佢將隻手放係我臂膀到『芷螢佢已經決定好...』

「就算係咁...我始終...唔想...」

『佢始終都要離開妳,家蔚。』冰瑤講『始終都要...』

嗚...

「嗚...芷螢…」我行埋去,將芷螢攬住…

『我地唔係無得見嫁嘛…十幾年之後…我地就會再見返面…』

「嗯…一定…一定呀…」

『行啦…家蔚,雖然…我未可以清楚了解你既計劃…
但我相信你…因為…你係我爸爸…同時亦係我媽媽…』

芷螢抹一抹佢眼睛上面既眼淚…

『今次真係要再見啦,家蔚。』

「再…再見啦…我…我地…十幾年之後…一定要再見呀…一定要!」

一定要呀!
 
*