355.


『咳咳!所以呢?』過左陣,樂宜喊完之後,佢終於開聲…
 
「所以…乜野?」
 
『你真係咁就衝黎澳洲?而且…邦彥個邊呢…你同邦彥…』
 
「我同阿彥已經分開左啦,就正正係…樂宜妳走左既第二日…」


 
『下?』樂宜驚訝『點可以咁嫁,大白痴!我明明…』
 
「事實就係咁,而且阿彥佢都支持。」
 
『唔會掛…邊有男朋友…會就咁放走女朋友…嫁…』
 
「阿彥係特別既。」我點點頭…
 
『難以置信…咁樣…咁樣…』樂宜閃閃縮縮咁望住我『就係因為我…所以…』


 
「無錯…我愛妳…樂宜。」
 
『唔…唔好再講呢三個字啦!好…好肉麻啊!』
 
「慣左就唔會…」我笑一笑「啊!?」樂宜扑一扑我個頭
 
『咁…咁你同邦彥咪分開左…差唔多十一個月…咁…咁之後發生乜野事…?』
 
「爸爸個邊…知道左我成為女仔既事…不過就正如樂宜妳咁諗…


佢最後都同意左我…之後…我拜託冰瑤…搵辦法幫我搵返男性…陳嘉為既靈魂…
最後…我仲周圍打工…為左賺錢黎搵樂宜妳…」
 
『下…打工?』
 
「因為都係散工…已經仲有好多事煩…所以要咁遲先到…」
 
『…呢點我都想問…』樂宜盯住我『如果…嘉為你真係鍾意我…』
 
「咩如果…無如果呀…」我即刻講
 
『好啦知啦!嘉…嘉為你鍾意我…又話搵男性靈魂…咁點解嘉為你仲係女仔?』
 
「呢層…可能因為樂宜妳唔係身邊掛?」
 


『下?白痴呀?』
 
「一個原因啦…而且…用女仔身體…搵錢過黎澳洲…方便好多嘛…」
 
『你!』樂宜好激動『你唔係用呢個身體做…做做做個d事嘛?』
 
「下?」
 
『援援援援援交…』
 
「傻嫁!」到我好激動「全部正常工黎嫁!」
 
『你岩岩先話女仔身體方便…我…我唔信!』
 
「真嫁!我講真嫁!」


 
『唔好掂我呀!污糟嘉為!乳牛嘉為!』
 
「又關乳牛乜事…」
 
『明顯…又大左啦!』樂宜睜住我個胸『你肯定因為唔想無左呢個胸!先唔想做返男仔!』
 
「唔係呀唔係呀!」
 
『一定係!哼!』樂宜撇過頭『咁…咁嘉為你打算留到幾時呀?』
 
「呢個假期完…」我自豪咁講「我都賺左唔少錢嫁。」
 
『咁…咁你自己加油啦…』
 


「樂宜!」我捉住樂宜隻手「更係…一齊玩啦!」
 
『唔想陪污糟既人玩…一陣你帶埋我去紅燈區點算呀?』
 
「我身…身體任何部位都仲完好無缺嫁!」我彈起身
「總之…無論係…男定女…我個身體都已經交比樂宜處埋!」
 
好大聲…
 
啊…我見到周圍有人望埋黎…
 
『白痴啊!呢到好多都係亞洲人黎嫁!』
 
「咁…咁都係代表我既決心…」
 


『無見一排…嘉為你真係嘔心左呀…比男仔個陣仲嘔心…走…走啦!』
 
樂宜佢拖住我隻手…帶領住我行…
 
「好懷念…」
 
『下…?』
 
「好似已經係…迪士尼之後既事…?」
 
『唔…唔記得啦…!』
 
「之後…我地會去邊…?」
 
『幫嘉為你搵地方住…』
 
「下…我諗住同樂宜你一齊住嫁喎…」
 
『我…我先唔同你住…仲…仲有!記住唔好飲呢到既牛奶啊!』
 
「下?」
 
『再飲...一陣你個胸變得大過頭點算啊!』
 
「又…又提!」
 
『好心提醒你咋…』
 
「咁樂宜…一定成日飲啦…唔知…有無…?」
 
『死啦!』我今次係比樂宜打左個肚
 
「啊…啊呀呀…我而家呢個身體…唔打得嫁…」
 
『理…理得你…哼…我…我要返去啦!咪追我呀!』樂宜講完就轉身走左去…
 
至於我…只係笑一笑…
理所當然地,跟上去…
 
原因?好簡單呀…
為左…再拖返樂宜隻手,再同佢一齊…
 
 
一齊,直到永遠。


 

- TRUE ENDING -