一開始拍拖嗰陣,我哋無時無刻都掛住對方。  Helen知我經常遲起身返學,佢會每朝六點半打電話俾我叫我起身,直至我聽電話為止。  每日嘅放學我都會用九秒九嘅時間衝去火車站搭火車,再轉地鐵去太古搵Helen。  由於我放學嘅時間比Helen早半個鐘,而Helen間學校位於灣仔嘅山上面,所以我哋都差唔多時間去到太古地鐵站等。  會合左之後我哋就着住校服,孭住書包,拖住手去太古行嚟行去,我哋多數會喺康怡一間乳酪雪糕店坐低食雪糕,傾吓計。  而放假嘅時候,我哋會睇吓電影,一齊食飯撐枱腳。  我一個星期只係得$200,所以我同Helen嘅日常洗費多數都係AA制。  有次放假,Helen話想我陪佢去東涌搵佢朋友。(Helen小學嘅時候住喺東涌,因為佢升上中學後返學交通唔方便,所以佢屋企人就決定搬去太古)  我應承咗佢,之後我哋搭左差唔多成粒鐘車程地鐵去東涌,去到東涌就行咗一段路,到咗一個公園等佢嘅朋友。  嗰日嘅天氣異常地寒冷,異常地乾燥,我嘅嘴唇都乾到一個點。  Helen見我個嘴唇爆到甩晒皮,佢就起個袋拎左支潤唇膏俾我叫我搽。  我望住支潤唇膏諗左諗,然後同佢講:「好似由你個嘴唇搽落我個嘴唇度,感覺會良好啲喎⋯⋯」  Helen笑咗聲:「吾好玩啦,快啲搽!」  然後再擺左個扮嬲嘅樣望住我。  Helen,點樣嘅你都一樣咁靚......   面對咁可愛嘅Helen,我唯有就範,乖乖哋搽潤唇膏,搽完之後我俾返支野佢,佢又搽一搽先擺番落袋。  驚喜嘅事情發生喇!  佢擺完之後同我講:「擰過頭嚟俾我睇吓。」  我好合作咁擰個頭過去,佢突然中個頭嚟錫咗我個嘴一啖。   不過可能因為太突然嘅關係,我呆一呆, 俾唔到任何反應,只係知道自己塊面紅唔到冇得再紅。  Helen塊面都紅紅地,佢怕怕醜醜咁講:「咁樣感覺會唔會良好啲?」
 我:係呀!你岩岩正係錫咗我上唇咋,下唇錫唔中呀!    講完之後,我即刻伸個頭錫佢    啜~!    就係,我上唇既初吻俾HELEN突如其來嘅舉動奪坎咗,而下唇嘅初吻就由我親口送咗比佢    而HELEN嘅初吻都獻咗俾我    即使經歷咗幾多年嘅歲月消磨,我都未曾忘記過當日嘅感覺    種感覺已經烙印咗係我腦裡面,唔會消息,永遠記住    果日,我,HELEN同埋佢朋友係東涌周圍行下,HEA下,傾下計    大約黃昏六點,我同HELEN就離開東涌,我就送咗佢返屋企    我同HELEN嘅生活好平淡,基本上每一日都見面    我朝早收到來自HELEN嘅MORNING CALL:上堂嘅時候一有機會就同對方SMS傾計;放學嘅時候就拖下手仔行下街;夜晚嘅時候就煲電話粥,有時候更會MSN視像會面    有次電訊公司SEND左個電話月結單既信息比我.我一睇……今次仆街了!    我本身一個月$69既電話費,因為我經常SEND信息既關係,由原本$69變成$800,    我當場嚇一跳,當時中一生既我,面對$800既費用,我真係唔知如何能招架    最後唯有搵我親愛既媽媽坦白從寬    呀媽訓話左我一輪之後,佢問我同邊個成日SEND SMS,我話:同個女仔朋友姐嘛!    我呀媽露出一個奸笑既眼神問:係女仔朋友丫,定係女朋友仔呀?    由於我第一次拍拖,年紀仲細,所以一開始我都唔知同唔同我呀媽講好,但比佢問一問,我猶豫左陣,最後決定同呀媽講啦!    我尷尬地話:UM..UM….女朋友呀!    呀媽聽到之後笑住問:靚唔靚嫁?搵日帶上黎屋企食下飯,比你呀媽過目下.     我冇預計到事情會發展得咁順利,咁即係意味住我未來既日子都可以帶HELEN返屋企,終於可以唔洗係條街冇野做周圍行……爽呀!     我見呀媽心情咁靚,我趁機會向呀媽提出個要求:不如張我個電話號碼轉去數字台丫,我個女朋友仔係數字台嫁,咁樣我同佢SEND SMS咪唔洗錢囉!      呀媽諗左陣:合約仲有兩個月先完喎!到時先轉啦!你呢段日子慳住SEND呀!      呀媽講完之後,我即刻開心到彈起,講:YES MUM! THANK OYU MUM!      歌都有得唱,有媽的孩子像個寶,媽媽,我愛你.      多謝你一直以黎都咁照顧我!未來既日子,我一定會好好報答你       經過呢一輪咁愉快既對話,我急不及待即刻打電造比HELEN,同佢分享我既喜悅.    我同HELEN講左我同阿媽既對話,仲邀請佢上黎食飯,因為佢好怕醜.    我不斷游說HELEN唔洗驚,我屋企人好熱惰,好易相處之類既說話,之後再加多句我全家人你遲早都要見嫁啦.    佢聽到呢句就諗左陣,笑住咁答我第二日放學就上黎我屋或食飯.    不過有條件,條件就係要早啲開飯,因為佢要8點前返屋企食飯.    我即刻同呀媽講:媽,我約左我個女朋友天日上黎屋企食飯呀!不過我地要早啲開飯喎,因為佢8點前一定要返到屋企,佢屋企人唔比佢咁夜返屋企    媽:衰仔,平時叫你做野又唔見你咁有效率,約女朋友食飯就咁快手,唉,你睇下人地丫!你女朋友屋企人叫佢8點前返屋企就8點前返屋企,你就點幾兩點先返………    我:得啦,得啦..唔好講衰野啦!    每次我呀媽勸我平時早哟返屋企之類既說話,我都會好唔耐煩咁回應佢:得啦….得啦….    幾年後既我先知道,其實呀媽係怕爬夜晚係條街到學壞,怕我闖禍    到我知道既時候,我已經學壞左仲闖左禍…….
:hello,當呢度自己屋企得架喇!你鍾意食咩呀?我買返嚟煮啦!」
Helen:「我乜都食架,隨便得架喇Auntie!」媽:「咁好啦,你同肥仔係屋企玩下電腦先啦,我出去買餸先,等埋肥仔個老豆同家姐返嚟就開得返架喇。」之後我阿媽就出咗門口,Helen就笑我:「點解你叫肥仔架,哈哈」  我:「我細個好肥架嘛,我媽叫慣咗做肥仔,冇改口啫!」我拎左幾張童年照俾Helen睇,Helen一睇到就即刻大笑:「哇!真係肥到成粒波咁喎,同你而家超大分別,你細細個個樣好kai呀!」  想當年童年嘅我,係多麼的天真無邪!仲曾經立志要做一個警察,要拉晒所有嘅壞人。我諗無人會估到十幾年後嘅我唔單止做唔到警察,仲做咗個壞人,邊度會有人諗到相裏面嘅肥仔kai子大個變成咁⋯⋯  半個鐘之後,我阿媽買完餸返嚟就開始煮飯,而我家姐同老豆都返嚟嘞。  Helen見到我家姐同老豆都好有禮貌咁打招呼。終於開飯嘞,Helen始終係第一次同我屋企人食飯,所以唔多唔少都有少少怕羞。  我家姐問佢:「係喎你叫咩名啊?」  Helen:「我叫Helen啊!」媽:「肥仔真係叻,識到個咁靚嘅女朋友!如果佢蝦你嘅話記得同我講,我一定幫你教訓佢!」Helen笑住回應:「知道Auntie !」  Helen一路食飯我阿媽不斷夾嘢食俾佢,而Helen每次都會講聲:「唔該auntie」  食完飯之後Helen都係時候返屋企,佢臨走前同我屋企人講:「我走喇,拜拜!餐飯好好食呀,多謝晒!」  然後我就送佢返屋企。  一落到樓,Helen就同我講:「肥仔!啱啱Auntie係咁夾餸俾我食,食到好飽啊!我都就快變肥妹喇!」  我:「咁咪好囉!我係肥仔你係肥妹,咁我地咪天生一對囉。」  Helen:「我唔要肥妹,我肥咗你唔要我咁點算呀!」 我:「放心喎,就算你變成點都好,我都唔會唔要你!」  Helen:「係咪真架?就算無晒頭髮甩晒D牙嘅肥妹你都要?」  我:「要!梗係要啦!點會唔要?即使你變成點我都要,只要嗰個係你,我愛你一生一世!」講咗段咁情深嘅說話,咁就梗係順勢伸個頭去錫佢啦!這是常識吧!  大家可能覺得我以上講嘅野係用嚟氹啲無知少女,但我好肯定咁同大家講,我真係唔係吹水 !我真係好愛Helen,無論佢變成點都好,我都一樣咁愛佢!永遠都係....  送完佢返屋企之後,我就返屋企。一返到屋企,我老豆同阿媽都話佢好有教養,睇得出佢係一個乖女,叫我千祈唔好教壞人同埋叫我好好珍惜佢。  珍惜!?  如果我當時有聽我阿媽嘅說話,我諗我往後嘅日子就唔使咁後悔莫及⋯⋯  點解人會咁犯賤?  往往係失去左先識得珍惜....自從呢日開始,Helen返學就等放學,放學就搵家洛。  Helen每日放學都會上嚟我屋企坐下,做下功課。  測驗考試嘅時候都會上嚟溫書,不過其實最主要都係想見我,陪下我。佢有時會留埋喺我屋企食飯,我屋企人都好歡迎我呢個女朋友仔。  
已有 0 人追稿