簡介

每一首歌背後都有一個屬於佢既故仔,我會將個故仔以自己鐘意既形式所編寫,希望你地鐘意。 如果有歌想我編寫,麻煩Facebook私信小景。



我:【我地分手啦!】
每次當我回想起我地分手既果一刻,我既心依然有種形容唔到既沉重係度。
我依然記得你果副難過既喊樣,係你身邊陪伴咗你咁多年,我可以話係最了解你果個人,
你就好似一個無天賦既演員一樣,你既面部表情會毫無保留咁表露出喜、怒、哀、樂。
亦都記得當時既我,曾經對住塊鏡練習左無數次講分手,本來以為可以平淡了事,但原來望住你親口講,結果依然係會感到難過。
我望住我們之間既愛情慢慢被時間所沖淡,而我地亦知道結果得一個,就係我地既愛情已經到咗盡頭。
依然深愛你既我,一直係度唸。
【我地既關係究竟幾時開始變成咁?點解今日會搞到要行到呢一步?點解當初我地拍拖既時候,會有咁多甜蜜既畫面,
會有咁多你愛我既回憶?到底係你一直表演緊愛我,定真係愛過我?越唸越唔捨得放棄你,我地彼此相愛過,而我依然愛著你,
你想要點樣既我?你曾經愛既我係一個點樣既我?而我又演到幾時先會覺得厭倦......】


既然分開係必然既話,而我亦都知你無勇氣會成為提出分手果個人,咁就由我黎擔當呢個角色啦。
曾經既我一直都有想挽回你既心,但而家既我已經對分手呢回事無意見,就用你想要既方式黎結束啦。
我唔愛啦,冷酷狠心果個人係我,我唸呢個就係你想要既表演,就由我黎配合你,
用你最希望既方式黎結束呢段感情,雖然我係度演緊戲,如果你係我冷漠無情既雙眼中依然睇到我對你既愛意,
請你忽略佢,唔好揭穿我,等我內心好過一啲。
因為愛你,所以成全你,我先選擇去演呢一幕戲。

已有 0 人追稿