「喂喂喂,我岩岩先送你呢度,你就重傷啦,咁樣唔好話挑戰我,連見都見我唔倒喎。」神再次出現係阿新面前。
  (我唔係,岩岩打完魔狼架咩?)
  「係咪好彩我比左張白卡你呢?哼哼。」神好得意咁講。
  「車,嚴格黎講都係我贏你贏返黎既,做咩阿?想收返走?」阿新開始同神係度打嘴炮。
  「哈哈,呢D野你真正見倒我先再講,好彩你今次未死渣,唔係我就冇野玩~」神係度不斷踢腳,顯得由然自得。
  「隻狼......唔係你搞架下話?」阿新表情懷疑係上黎。 
  「唔會啦,我都話我係旁觀主義,好啦,你就醒啦,再見~」神又大力一推阿新。
  「你醒啦?」視野都未清晰既阿新聽倒一把甜美動人既女聲。
  (係米雪兒?真係幸福。)
  與此同時,阿新既手比人拖住,係一對好順滑,時常保養既雙手。




  (冇錯!一定係佢,呢雙手,一定係女黎。)
  阿新沿住隻手,望過去,望倒既畫面,佢一生都唔會忘。
  「好啦......好啦,你終於冇事啦,你睡左成2日啦。」喜極而泣,喊到眼淚鼻涕混合埋一齊噴出黎既貝克芬,好緊好大力咁捉住阿新既手。
  「點......點解會係你架?」阿新好錯愕,完全思考唔倒。
  「好囉,阿新你終於醒啦。你都唔知我見倒貝克芬孭住成手血你果個畫面有幾驚。不過一天都光曬啦,恭喜你地阿,估唔倒你地2個係D級就打敗左魔狼。你地已經刷新左我地公會既紀錄啦。」米雪兒抹一抹眼淚,開心咁講。
  「唔知點解,我好似冇乜實感咁既。」阿新細細聲講。
  「唔好講呢D啦。拿,魔狼既角幫我地賺左成50萬金幣,一人一半,夠我地買個細細地既屋架啦。仲有阿仲有阿,我敏捷竟然升左15點阿,打低隻魔狼真係太好啦。」貝克芬不斷搖晃傷口未好既阿新。
  「15點?姐係點阿?」阿新反問。
  「你用『Call』就知啦,上面有寫。」
  阿新既能力如下,




  力量:20>150   敏捷:50>220
  耐力:20>140   反應:40>200
  魔力:0>0    幸運:20>20
  技能:「神之步伐」
  魔法:「」
  「呢D點數係點計架?」阿新睇住呢埋數字,都唔知係代表D咩。
  「呢個數字係反映你經過戰鬥之後既成長值,姐係用數字反映你能力,公會統計過,大概經過一年艱苦既戰鬥,數值會上升10到30。所以今次升15黎講已經係非常非常好既成績黎。」米雪兒解釋。
  「Um......原來係咁。」阿新係度諗緊佢既數值升幅。
  (照米雪兒咁講,我呢D數字既升幅真係好怪,姐係之前唔係我既錯覺,而係我既成長速度真係好快?)
  「唉,唔好講啦,阿新,我同你出去行下先啦,你訓左2日,身體硬曬架啦,再唔活動下就退化架啦。」貝克芬既態度好似180度大轉變咁,突然對阿新非常咁好。




  「做咩阿,我未對米雪兒點架喎。」被逼比人拉左出去既阿新好無奈咁講。
  「唔係啦,呢個唔好講住啦。喂,不過我地做固定隊伍啦,有我配住你,嘩!諗起都正阿。」貝克芬講既野完全同阿新諗既唔一樣。
  「下?點解你會咁諗既?」
  「你果招『獨特技能』你估我唔知咩,一定係D好勁既招啦,拿,唔好話我要脅你,你唔同我組隊我就爆出去比人知,到時煩都煩死你。」貝克芬好似對自己既計劃好滿意。
  「我冇咩所謂,反正多個人多雙手,不過你可唔可以放開我先,我隻右手好Q痛。」原來貝克芬一直拉住阿新受傷既右手。
  「Q?咩黎架,不過唔緊要啦,等你好返我地就去公會不斷接任。哇,諗起都興奮,榮華富貴同我地差一步渣。」貝克芬完全進入左自我興奮狀態。
  「阿新~你過一過黎阿。」米雪兒追左上黎,對阿新揮手示意叫佢過去。
  「係,咩事呢?」
  「隊伍淨係得你地2個我都係唔係幾放心,雖然你地今次就打贏左魔狼姐,但都搞到右手都差D報廢,所以咪想叫你地搵多個治療師幫輕下,我又唔係話你地2個唔勁既,不過安全D好嘛,你話係唔係?」米雪兒既連珠發炮又出現。
   「我明既,我會留意下,或者米雪兒你有岩心水都可以推薦比我地。」阿新好老套咁答。
   「係呢,貝克芬係咪有咩經歷,佢同我講話之前唔受人歡迎組唔倒隊,不過我睇落就唔太似,佢既箭法絕對唔差架喎,即使係危急既情況都打得中魔狼。」阿新想了解多D貝克芬,畢竟同一個自己唔諒既人隊伍,好難有信任。
  「佢咁同你講阿?不過都係既,佢既經歷的確唔太好,咁樣講或者會好D既。因為之前貝克芬既隊伍,團滅左......」
  「團滅?淨返佢?」
  「係阿......聽講係比『冒險殺手』,姐係專殺冒險者既人落手既,但淨係得貝克芬冇事,所以好多人都話貝克芬係內奸,通風報信搞死自己既隊友再從中得益。失去自己最好既朋友同隊友既同時,仲要比人咁樣落井下石,我真係驚佢振作唔倒,唔好見佢成日笑笑口,佢應該仲好介意當時既事。」米雪兒講出貝克芬既背景。
  「放心啦,我一定會解救佢,為左你,為左我。」阿新露出溫暖既笑容。




  就係咁,呢個新手2人組就正式組隊。