【奇幻/異世界/冒險】我在這世界會不會強了一點: 第七章 王都篇(二)
「哇~呢度好壯觀阿。」具克芬入倒王都第一句說話就係咁講。
阿新都能夠理解佢既心情，畢業王都既大小同吉思村簡直係天同地比。眼前人山人海既道路表現左王都幾咁繁榮，而且亦有相當多既人係呢度街頭賣藝，姐係連外地既人都好多。
「細路，不如我同你地占個卜阿。」一個坐係地下既阿叔咁講。
「啤牌?」阿新唔小心將諗緊既野講出黎。
「啤牌?你係話我手上面既牌?啤牌，唔錯，呢副牌就係叫啤牌。」阿叔好似發現新大陸一樣既表情。
「咁麻煩你啦。」阿新對呢D占卜野都好有興趣。
畢竟人冇辦法控制未來，有呢D類似可以窺探未來既野，就算冇用，個人都會安心D。
阿叔用高進一般既技巧，將啤牌浮空，54張既啤牌好似有藍光圍住咁，然後有一張牌慢慢咁飄到佢手上。
「鬼牌喎，細路，你作為異地人，哼哼，要小心。」阿叔講左D好耐人尋味既野。
「喂，阿新，行啦，王都大臣召集緊啦。」貝克芬係遠處大叫。
「岩岩個阿叔同你講咩阿?」貝克芬睇落都好好奇。
「佢叫我小心，可能係今次既任務會有相當既難度掛。」
阿新同貝克芬愈行愈近王都既宮殿，側邊既人數反而不減反增，睇黎有一大班冒險者已經睇上左呢次委託既報酬。
「阿新，你覺唔覺有實力既人都唔少。」貝克芬細細聲咁講。
「的確，雖然比例唔多，但人數都唔少。」
粗略估計，總共既人數大概有百零、2百人，有實力既人有20人左右。
(咁大量既人數，應該會好粗略咁篩走一班人先，姐係話，第一次篩選已經不容有失。)
「一間打醒精神阿，唔係第一輪就比人踢走。」阿新提醒貝克芬。
遠處有一個霸氣側露漏既人行緊上台，呢個人既服飾華麗，但睇落就唔影響行動，面果度有一條好大既疤痕，睇落似係戰場上留落黎既戰利品，加上一身健壯既肌肉，成個人既存在感好高。
「哼哼，咁多位冒險者你地好，相信大家今日黎報到，都係想獲得榮譽既人，我地王都今次既任務內容好簡單，但係委託你地之前，我地想先做一個小小既篩選，挑選你地之中最強既人黎幫我地，當然被委託既人報酬會好好，甚至可以直接成為王都騎士團既分隊隊長，名同利一定少不了，希望諸君可以努力。篩選內容都好簡單，我地希望你地分組行動，最少1人，最多5人，去幫我地搵王都入面既寶物，然後帶返黎呢個宮殿。寶物有二。第一，「玻璃種子」，一個係純玻璃整既道具。第二，「黑水晶」，一個純黑既水晶。成功拎倒寶物既人，就係通過篩選既人，限時24小時，開始!」台上面既大叔宣佈開始。
「點阿?阿新?我地係咪出發去搵啦?」貝克芬問。
「唔急既，你陪我買下D野先，如果冇估錯，好快就要打交。」阿新走向岩岩路過既武器鋪。
「你咁講係咩意思阿?」貝克芬問「咩意思」好似已經成為習慣。
「呢個篩選有幾個好奇怪既地方。『尋寶』同埋『時限』，以呢個形式做篩選唔係問題，但時限咁短就係一個問題，如果設一個冇可能做倒既任務，對佢地黎講冇乜好處，咁姐係話，係24小時搵倒2樣寶物，係有可能既。又或者係，依度入面已經有人知道寶物既位置，姐係佢地安排既人。」
「咁我地搵倒邊個知道咪得囉?」
「理論上係咁，不過2百人要鎖定目標都係好難既事，所以應該係第2個方法好D。」
「第2個方法?」
「佢講既野最令我唔明既係『帶返去宮殿』同埋『分組』，呢2個條件其實對通過篩選好似冇乜幫助，既然係咁，我地就可以睇做係一個提示，姐係話，只要將寶物帶倒返去宮殿，無論你1個人又好，5個人又好，都可以通過篩選，姐係話，呢個表面上係『尋寶遊戲』，實際上係『奪寶遊戲』。」阿新講出自己既見解。
「老闆娘，唔該，我要2把匕首，同埋幫我用個類似符咒既紙包住個柄阿唔該。」阿新入店同老闆娘講。
「咁姐係我地返去等有人拎寶物過黎就可以輕鬆過關啦。」貝克芬直接得出結論。
「都係既，我地靜靜地返去，唔好比人見倒，如果有人拎住寶物就突襲啦。
阿新同貝克芬返到去宮殿附近既樹上面。
(果然，差唔多全部人都走曬，淨低係宮殿既人都係寥寥可數。)
但係呢班留係宮殿既人，好似係度打鬥咁，而當中既一個黑髮美女散發住令人驚慄既氣場。
「佢地係咪想減少人數而贏阿?」貝克芬細細聲問阿新。
「應該係，不得不說呢個都係最簡單既方法，見人就打，只要最後得返自己，咁咪通過左。」
「咁我地點阿?要唔要幫手?」
「睇定D先，一間有咩生命危險我地先幫。」
宮殿上，大概有11個人左右，而當中既果1個黑髮美女，被其他既人包圍住。如果係平常既情況，應該係呢10個人想做一D危險既事，但呢個情況唔同，黑髮美女唔單止冇任何驚慌既面色，反而冷靜得令人可怕。
佢地對話既內容，阿新佢地聽唔倒，但係阿新感覺到，真正危險既係呢個黑髮美女。
過左一段時間之後，呢個10個包圍者開始有動作，佢地一齊衝向黑髮美女，而黑髮美女好似連避戰既諗法都冇，佢地下出現一個紫色既魔法陣，範圍極大，然後佢舉手上面既杖。突然間，呢10個人好似觸電咁，身體不斷抽搐，抽搐既速度甚至令人覺得噁心，然後呢10個人就訓低左，皮膚好似失去血色咁蒼白。
「呢個......呢個人係......殺死我隊友既人!」貝克芬隻手不斷抖動，但就眼神所展示既情緒唔係驚，而係異常既憤怒。