【奇幻/異世界/冒險】我在這世界會不會強了一點: 第十二章 王都篇(七)
「黎啦喎，火魔法，法瓦波落(Fire Ball)!」莉莉絲相當自信咁作出開戰宣言。
(火球?應該避得開掛。)
紅色既魔法陣係莉莉絲出現，一股紅色既氣體係魔法陣周邊形成，高溫既空氣甚至出現熱浪來襲既扭曲現象。幾個火球隨即完成，以飛快既速度打向阿新。
但係阿新好輕易就以最小幅度避開左，情況就好似係莉莉絲打唔中咁。
(好似睇野愈來愈慢咁喎?好似拓海咁?哈哈。)
「估唔倒你都有返兩下散手，睇黎我都要認真少少。」莉莉絲將腰間既劍拎出黎，但唔係將劍套拔出。
(睇黎都唔係真係想殺死我既，咁都好D。)
阿新終於有少少安心既感覺。
架好劍式既莉莉絲馬上衝刺到阿新既面前，更換攻守既速度順暢到令周圍既人反應唔倒，唯獨好似睇緊慢動作既阿新睇得一清二楚。阿新稍稍向後避開。莉莉絲既反應都好快，馬上將劍收返，再進行攻擊，呢種回復姿勢再攻勢既動作，唔單止係莉莉絲努力練習同身體能力既表現，更加講明莉莉絲既劍都係一把好平衡既絕品逸劍。
「切!淨係識避、避、避，我睇下呢招你點避。聯合魔法、無魔法，埃滴迅(Addition)、阿沙拉維(Accelerate)。」莉莉絲既進攻速度變得更加快，而且劍既攻擊距離好似變大左咁，用語言解釋既話，就好似係劍周圍既空氣都幫劍進行攻擊，好似風刃咁。
(喂喂，咁樣打中我會唔會死架，唔通佢覺得用魔法打中我同用劍套打中我一樣?)
阿新既躲避開始變得狼狽，從原本既遊刃有餘變成擦身而過。
(我手頭上既魔法得點燃(Ignite)一招，加上呢招仲要冇乜用......冇乜用?)
阿新好似諗倒方法咁，眼神出現一絲光芒。然後向後跳拉開距離。
「我承認你既身手唔差，但係你咁樣一味避，係絕對打我唔贏架。」莉莉絲再次擺出架式。
(哇，咁典型既Flag，睇黎今次十拿九穩啦。)
「睇黎我都要認真少少啦，你都用左咁多魔法，今次到我啦掛。」阿新大聲帶有少少挑釁咁講。
「唔好講廢話，黎啦!」莉莉絲既衝刺速度提升左唔少，睇黎莉莉絲接受阿新既挑釁，開始全力應付。
「首先就係，埃格泥(Ignite)。」阿新回想用呢招既情境，身體好似有另一股能量開始集中緊，魔法陣亦都慢慢形成緊。
然後，阿新既魔法陣就裂開，消失左。阿新面上明顯露出不快既表情。然後就發出怒吼既聲音，衝向莉莉絲。
「下?你唔係下話，居然連魔法都用唔倒?仲要主動衝向我?我已經唔係失望咁簡單，係絕望阿!」莉莉絲聲線帶有怒火，打算直接了斷阿新。
阿新勉勉強強避開莉莉絲既劍擊，好唔容易先出倒一擊，但莉莉絲回復劍式既能力實在太超出常識，明明前一秒仲進攻既劍，下一秒就可以進行防守。防守之後又以快速既切換速度進行攻擊，阿新今次避唔開，右臂中左一劍，傷口唔大，但絕對造成打擊，阿新亦都好快咁拉開距離。
「哼，睇黎你都係不過如此姐，等我快D收拾你，免得你獻醜。」莉莉絲乘勝追擊。
「嗯?好似係咁用，火魔法，法瓦波落(Fire Ball)!」阿新念出莉莉絲岩岩用既魔法。
「哼?點燃(Ignite)都用唔倒既你，有咩可能可以用倒我既招阿?」莉莉絲以無懼既方式應對，仍然筆直咁衝向阿新。
「咁就要試下先知啦。」阿新好似恢復平時既冷靜。
今次魔法陣既形成完全冇問題，情況同莉莉絲一樣，火球亦都順利完成，不過明顯數量同大小比莉莉絲既差。火球以高速擊向莉莉絲。
「咩話?」莉莉絲大吃一驚，不過都好快咁恢復過黎，用未出鞘既劍將火球斬開，火球產生既爆炸都傷唔倒莉莉絲分毫，將匹敵箭速既火球斬開絕對係令人驚訝既事。
但係阿新就係呢個時候出現係莉莉絲面前。
冇錯，呢個正正係阿新期待既結果。首先宣言要用魔法，再表現出自己連基本魔法都用唔倒，加深莉莉絲覺得阿新唔識用魔法既印象。事實上只係阿新再次回憶同加深用魔法既感覺。然後既失望同怒吼就係更加誇張咁表現出阿新好似失去理智咁，魯莽既進攻表現自己既急切，令到莉莉絲深信自己贏左，加上阿新既破綻令到自己受傷，令莉莉絲知道阿新既近身戰差過佢。而且阿新每次都係以最小幅度咁避開莉莉絲既攻擊，係最後既接近莉莉絲就會造成出奇不意既效果。
(嘛，雖然回避係無心插柳。)
「咩......」話音未落，阿新就全力揮臂將莉莉絲打飛。
(呢下咁應，應該打低左啦掛，終於唔用轉位都打得贏。)
係阿新相信佢應該贏左既時候，莉莉絲已經企返係度。
(車，睇黎都係打唔贏，投降仲好。)
「我投降。」莉莉絲搶先講。
「可唔可以同我講係出於咩原因呢?」法爾老師有D驚訝，但仍然保持爽朗既笑容。
「我冇信心可以係唔殺佢既情況下打敗佢，但係殺佢係我地王都既損失，所以打到呢度就夠啦。」莉莉絲投降都投得霸氣十足。
「咁你呢，阿新同學?」法爾老師望向阿新。
「我當然接受啦，我都冇信心可以打贏佢，所以就當做平手啦。」阿新都唔知點應對呢種情況，所以求其講D野應付左就算。
「好啦，咁呢次既測試就當做平手啦。好啦，接下落黎就係其他人啦......」法爾老師指示其他學生出黎進行同樣既測試。