3個鐘之後...
  特別新聞報導,喪屍病毒己經大爆發,而且令8成人口變成喪屍,
  市民如無需要,緊記留係屋企,鎖好門窗。
  2個鐘之前我地己經返左總部架啦,咁我地屋企人點算?
  阿銘好擔心又細細聲咁講: 不如我地而家返返屋企搵返屋企人先,2個鐘之後係返沙頭角集合啦。
  因為上司MICHAEL仲係OFFICE,我地只好偷雞扮出去殺喪屍去偷走。
  我直接走入MICHAEL OFFICE: MICHAEL而家我地出去殺喪屍,2個鐘頭之後叔黎架啦
  MICHAEL: 無我批准唔比出去。
  我唯有聽佢命令,出左返去OFFICE。
  阿一,阿成同阿銘聽到都好嬲。


  咁唯有用暴力啦
  跟住我地3個各自去左攞齊裝備,之後衝左入MICHAEL OFFICE
  MICHAEL: 你地想做咩? 作反呀?
  我地4個一齊M4A1指住MICHAEL,之後當然無殺佢,只係將MICHAEL綁起左
  MICHAEL: 你地咁做一定後悔,高層會派人殺左你地架。
  我地4個都心急想搵返家人先,無理佢,就上返地面攞裝甲車。
  阿成:仆街,班友無性架,裝甲車都鎖埋。
  呢個時間的沙頭角其實係朝早8點幾,但係個天烏雲密佈,睇落似夜晚11點,加埋周圍無人,
  個FEEL直頭係resident evil 3 有追跡者係到追緊你的RPD總部門口咁。
  阿成,一,鉻: 咁我地各自揸車走,2個鐘之後係到集合啦。


  我就揸走我架TOYOTA 4人車返沙田沙角邨搵返我老婆同個女。