第十六篇 : 進入夢境 
  我再次用藍寶石進入了澧林的記憶腦海中,今次不同的是,我能設定她的夢境,來改變她的過去記億。
  我暗暗自喜,在心裡思考了一會 : 就等我設定夢境,偷取和改變你的記億吧!
  用了我的盜夢功能,我又再次昏睡過去,進入夢境了。
  「先生,請你坐係櫈到等等先,我聯絡人事部接你入去返工」一個便服,坐在門口接待處,拿著電話的年輕女士對我說。
   一點霧水的我呆了一會兒,環視了四周一遍,然後點了點頭,坐在接待處傍邊的梳發。
  「呢到係...?係防化部7樓辦公室....? 我係....邊個呢....?」
  「黃先生,請你直行轉右,入去辦公室報到啦」年輕女士指一指走廊說道。
  「唔通,呢到係我設定既夢境,咁唔好哂時間,盡快完成任務」
   我直行轉右,來到了辦公室,辦公室話哂政府野,真係好大同好多人坐係電腦面前,辦公室呈正方形,四條邊都有一排電腦桌子。當然,看到了目標人物了,澧林就坐在牆邊的第一個位。


  「你就坐係牆邊第二位啦」一個中年肥婆指一指我個位說道。
  「果然係夢境,事事順利,一黎己經安排我坐係澧林側邊。」我暗暗自喜
  「正當我以為事件,好快結束時,眾人開始有點起哄。」
  「阿冠博士被人殺死左....?」一個帶黑框眼鏡的年輕人拿著電話說道
   眾人一陣起哄,我心裡引來一陣難受,看來夢境盜夢依一招要持續很久了,因為剩餘的寶物的位置要靠我自己尋找了...      一陣起哄後,坐係我側邊,帶眼鏡的年輕人,向我自介紹。
  「你好呀,我叫阿康呀你係....?」阿康伸出右手示意叫我握手。
   阿康雖然帶眼鏡,但係樣子看似非常老實和正義,又坐左係澧林側邊咁耐,我想他肯定能幫我盜取資料。
  「我係黃生呀,多多指教」我盛意拳拳地握了阿康的手。
   同時又打側望了一望澧林,澧林染了金頭髮,化了淡妝,此時的她的確是一件美女,有著瓜子臉,一雙大小適中的眼睛,穿著黑色毛衣,腳部穿上黑絲襪,有一股淡淡香水味在身上,皮膚白白滑滑,雖然我唔係處男,但係佢個身MK妹造型真係搞到我扯扯地。我當然不會放過機會,直接了當向她自我介紹。
  「你好,我係黃生,你叫咩名呀?」


  「我係澧林呀,多多指教」澧林思文有禮地說
  澧林的聲線在辦公室屬於溫柔細膩型,如果我不認識她,的確會被佢呃到...
  我趁機打開了話題。
  「澧林呀,你有冇instagram同facebook呀,我想同你做個朋友呀。」
  「吓...有呀....tang lai lam我facebook同instagram呀」澧林欲言又止地說
  「好既,唔該哂你呀,午餐一齊食呀。」我承勝追擊道。
  「哦...好呀...」
   咁我就邊繼續扮做野,邊用電話睇下你隻間諜既相。咁佢instagram同facebook都係同TONY仔合照多,但係比我發現左有張係影住我背影既相,簡介寫住「感謝你工作上的幫忙。」雖然我唔係處男,但係有個靚女對你有點意思既話,係男人都會心動,而且真實屍城世界是多麼殘酷和苦悶。
  「澧林,究竟在屍城依片痛苦大地裡,我會唔會追到你做我屍城世界既第二個老婆呢。」
   幻想歸幻想,總要在夢境做回有意義的事吧。好吧,就趁你去廁所的時候放個偷聽器落去啦。我幻想了一個小型銀色耳機式的偷聽器,趁澧林上廁所時放進了她黑色的公事包裡。看來一場深入的間諜戰即將要上映了。