我女朋友同好多女仔一樣,黎m既時候會好肚痛,尤其頭一兩日。而佢係呢個時候要食止痛藥,再瞓個大覺,先會冇事。

有日我同佢約左上佢屋企睇戲,個朝我就收到佢whatsapp話︰「今日唔好過黎,我M痛,下次再約。」
咁我覆返佢︰「使唔使我過黎陪你?」
「唔使!我一個人ok!」
咁我睇得facebook多,話千奇唔好信女友話唔使,佢地通常口個句唔同心個句。於是我即刻懶係體貼咁買左碗粥上佢屋企搵佢。等佢開門個時我仲勁期待佢好感動個樣,點知佢見到我之後,露出勁嫌棄咁既樣,話︰「咪叫左你唔好黎囉,唔得閒招呼你!」之後佢就上返床到瞓,冇理到我。而我就失望咁坐係廳到睇電視,過左陣,我見到女友係床上面轉黎轉去,於是我行左入房,搭住佢膊頭,問︰「你點呀?有冇咩幫到你呀?」

點知佢態度勁強硬咁答我︰「行開啦!呢個係我同大姨媽之間既戰爭,唔關你事!」
我聽到之後差啲笑左出黎,我忍住笑咁同佢講︰「加油!我撐你!」
佢又再講︰「撐我,你就坐埋一邊睇電視啦!好嗎?」


為免令佢難受,我即刻坐返出去睇電視,

到左下晝差唔多5 點,佢終於醒左起身,我問佢︰「好啲未?冇事啦嘛?」
佢終於向我露出久違既得戚笑容,講︰「哈哈哈,XX(佢個名) 原地滿血復活,Yeah!」


#有興趣可讚黑柴Facebook
https://www.facebook.com/%E9%BB%91%E6%9F%B4-879053098899020/
已有 0 人追稿