愚人節嘅大話

今日又係一年一度嘅愚人節，亦都係好多人借住呢個機會表白嘅日子，因為...至少失敗咗都可以講愚人節快樂呀嘛......咁我呢個萬世毒撚就梗係唔執輸，一於借住呢一日同我嘅女神表白喇！
話就話係咁，但係呢個諗頭已經諗咗差唔多五六年喇，都係冇實行過。而且呢個藉口太屎啦，我今年決定要用一個最唔直接而又唔知點咁嘅方法嚟同梓穎表白！！
我從床上面慢條斯理咁爬起身，Send咗條whatsapp畀佢：
「如果我講畀你聽，我鍾意你你信唔信？」
等左又等，一個鐘過去、兩個鐘過去、三個鐘過去......係喎！弱撚智咗添，佢係好耐之前已封鎖左我啦喎......我又用電話直接打畀梓穎。
「你所打嘅電話暫時未能接通，請遲啲再打過嚟啦！！」連電話錄音講嘢嗰把聲都好似比平時快咁，就好似佢都有另一半要趕住去拍拖...成個世界好似淨係得自己未出pool咁。
「大佬呀...愚人節想同女神玩下啫都唔畀呀？」已經黐線到喺度自言自語，呢個時候梓穎竟然打返電話過嚟，我即刻發哂狗公姣咁攞起部手機接聽咗。
「...喂？」
「喂？咩事呀？」果然係天籟之音，聽一聽把聲都夠我J成世。
而且畀佢咁問一問，成個思緒都打亂曬...「我...我想問..問下你呢...如...如果我同你講我鍾意你，你...信唔信？」


「信呀，點解會唔信呀？」
「愚...愚人節快樂！」
電話兩邊突然靜左......
「...你好衰呀！咁樣呃我......」
「好啦...其實我唔係呃你嘅，我上面講嗰啲野都係真話...你唔好唔開心啦！」
「你真係好衰呀～...好啦唔講啦男朋友喺我隔黎，拜拜～」然之後佢就一嘢cut咗線。
吓？佢...佢完全冇同我講過佢有男朋友喎。果然呢，女神都係遙不可及嘅...都係「遠觀而不可褻玩焉」。睇嚟我都係天生一副做兵+毒撚樣啦。
好似平時咁打開電腦，播咗套三上老師嘅教育片，坐喺凳上面一邊打飛機一邊食杯麵......聊天室嗰度叮都冇叮過。正確啲嚟講係根本冇人加我入group，私聊嘅都封鎖曬我.....
今年嘅愚人節都係冇人嚟整我呢，愚人節快樂。