醫好咗自己個胃同比家姐用叉插咗幾次之後,就梗係返屋企打機啦。正喺我攞出部電話嘅時候,一個陌生嘅號碼竟然send嘢比我。

內容是咁的:我係小陳啊,今日坐你後面嗰個。見你今日好似有d寸,想提下你最好收斂下,你咁樣好大機會得罪精英班d人ga。你自己小心d la

唉…社會上能夠容納同性戀,能夠容納狗公,點解我地呢d稍為前衛少少嘅mk仔就要比食環拉比人告影響市容呢?更何況,mk臭飛我都未驚過啦,精英班未又係書蟲嘅代名詞,我真係好驚驚呀!。於是我一於懶理,正所謂食飽睡一睡,快活過元帥嘛。

{就這樣愛你愛你愛你隨時都要一齊~}

鬧鐘響,我keep住我一貫不羈得嚟帶點滄桑嘅造型,如常返學。點解我可以咁?咁唔知大家對男校有幾多認識,我講少少啦。我地日常活動係M人(請google),打交,比人搞同搞人,自然就唔會攝衫,條tie又比人奄咗(請google),所以話要喺男校搵套正常嘅校服仲難過搵到個識發光嘅黑洞。



Anyway我又一個頹look返到學校

[早晨啊,毒男~]

坐我隔離嘅紫彤同我打招呼,雖然稱呼係難聽咗少少,不過有女神打氣(誤?)點都精神d嘅

[啱呀,冇見一排,好似靚咗喎~]

[呵呵,本小姐不嬲都咁靚。]



[哇~警察,有變態自戀狂啊,我好驚呀!]

[錯啦,本宮唔係叫自戀,係叫誠實]

[警察叔叔?更正更正。唔係自戀狂吖,自稱太平公主,喺青山走出嚟㗎]

[妖!]

紫彤反哂白眼,塊面就半黑啦,大概黑珍珠咁嘅色啦。佢嬲嬲地咁話 [嫌棄我自戀未唔好同我講嘢囉,笨!] 講完佢仲伸脷對我做咗個鬼臉。不過,佢嬲嗰時個樣都好可愛。同一般女神唔同,佢係好坦率嘅一個人,唔會好似d女神咁懶有矜持,而我亦係比佢呢種直率嘅性格深深吸引。



[喂,晨早流流放閃係違反咗保護單身狗條例㗎,最高刑罰係可以判處終身監禁,千歧唔好以身試法啊]

講嘢嘅係坐我後面嘅小陳,我心諗: hi你咩,你拍緊警訊?

[妖! 我地冇嘢㗎!]

Wtf?? 異口同聲係咩玩去?我差d以為自己拍緊tvb。
紫彤紅都面哂咁,我都未見過佢咁怕羞嘅樣

[癡線啦,我地冇嘢。]
我即刻兜,務求紫彤唔好咁尷尬。

[你兩個慢慢sweet la,仲有你呀,好好睇住人啦。]

小陳完全無視咗我地講嘅嘢。我心諗:佢係咪聾㗎呢。



小陳以一個好似撞破咗情侶偷情嘅笑容行開咗。

[小陳真係癡線㗎,我地邊有可能吖]

紫彤為咗掩飾自己嘅尷尬,而咁講。但係講完仲尷尬。

[係囉係囉,哈哈…]我苦笑道

[未係,我地嘅關係純過蒸餾水吖。係啦,講起,你之前有冇拍過拖㗎?]紫彤即刻轉話題

[我呢d歷盡滄桑嘅浪子,點會未拍過吖?]

[扮咩型呀?好樣衰呀~噗,哈哈哈]
紫彤笑到成個癲婆咁,我回以一個白眼。



呢個時候落堂鐘就好唔識趣咁響咗。咁代表我地都要離開學校。

[你放心啦,我地係一年嘅同學,大把時間同你講啦。]


<我地係一年嘅同學,但我更加希望你係我一世嘅情人>