成曰話,落完mk心情特別好,原有嘅煩惱都一掃而空。你可能話:俊傑哥,你有女陪啫,梗係happy㗎。

放鬆d啦香港人,有時比自己抽離一下工作同困難,心情自然好,做嘢暢順d,咁又有咩困難係解決唔到呢?

Sor 講遠咗。Anyway我罕有地面帶微笑咁返學,你要知道平常返學我連眼都冇睜開。點知返到嚟全班死氣沉沉,好似啱啱辦完喪禮咁,真係掃興。

[咦,嘴角含~春喎]
小陳又喺度講笑(諷刺?)。 不過班花生友而家一d反應都冇,睇嚟今次真係有大鑊嘢。

無獨有偶,連紫彤都好似冇嚟心機咁,個個都灰都核爆。我正想問小陳發生咩事嘅時候,佢唔知喺邊度攞咗支嗩吶 (Dee da)喺度吹。癡線!加埋白光就真係十足紅館啦。不過係紅磡殯儀館。。。



[我想問,真係有人死咗?] 我熬熬地底咁問。

[癡線!!係我地仲有一個月就考試,我練定我嘅instrument performance 啫]

What? ?去到呢度我更加聽唔明。唔講唔知,仲以為呢班人喺上屆世界盃,買咗巴西贏再比德國炒7比1。大家塊面灰到呢。

[咁因乜解究佢地塊面灰過灰燼呢?考試啫,唔使死嘅]

大家聽到我呢句,一齊用鄙視嘅眼神怒bea住我



[唉。。。你呢d視成績如浮雲,如糞土嘅mk仔,吖,唔係,係成績放棄咗你嘅mk仔梗係可以咁講啦。之不過,我地F班,係全級排名最差嗰班,我地對住考試會灰都好正常啫]

咁,我都明嘅。又係一堆被考試所逼迫嘅大好青年。所以話,其實我同水滸傳d主角都係同類。佢地因為朝廷,最終上咗梁山,做咗好漢。我地就因考試制度,最終落咗MK,做咗mk仔,都算係一種無聲抗議吖。

就喺我諗緊嘢嘅時候,衝出嚟刷傳在感嘅阿jack又真係衝咗出嚟
[俊傑,你喺男喇拔轉過嚟喎,成績一定好勁啦]

又係呢條問題?可唔可以有d新意,要fresh d



[ok la 一般般咁啦,做咩呀?]

阿jack對眼閃過一道光芒,面帶自信嘅微笑,梳咗兩下個頭。你賭神上身?來人,預備朱古力!

[其實,小弟曾經係精英班嘅,自問成績都唔差,不如我地睇下嚟緊呢次考試邊個成績好d?]

課室班死屍 (喪屍形容佢地都太有活力) 聽到呢句即刻起哄。 古語有云:睇人pk最開心,食住花生笑呵呵。 果然成班都係。。。唉

[woot挑機挑機]

[俊傑贏,一賠五]

[買定嚟手啦喂,買大賠大]

我見到阿jack咁堅定嘅眼神,仲要前精英班喎,梗係熬啦。不過紫彤呢個時候對我做咗個加油動作。咁喺女神面前可以冇銀紙,不過唔可以冇face嘛,唯有頂硬上啦。




我喺一片起哄聲之中返到我個位,再趴喺將枱度。助人入睡嘅淺藍色,熟悉嘅質感,我最親愛嘅枱吖,我返嚟瞓覺啦。

篤,篤。就喺我半夢半醒嘅時候,我feel度有人係咁篤我。於是乎,我就燥咗。

[妖!邊X個呀!!] 我以震撼性嘅聲音怒吼。

我瞇起對眼,紫彤好似好驚咁望住我。

[做咩咁惡喎,都唔玩得嘅….] 紫彤嘟起個嘴講。

[小妹妹對唔住啊。哥哥惡咗少少,咁你搵我咩事吖?] 我用一個對5歲小妹妹嘅聲線講。

[哼!你頭先嚇親本宮啦!作為保償,你要同我一齊溫書!!]



哇,你啱啱先好似比我嚇親,然後即刻變咗(刁蠻)公主。不過女人都係唔得罪得,如果唔係,哼!

[陳俊傑你同我即刻落Learning Center 一齊溫書!!]

雖然小弟生平係唔溫書嘅,不過為咗同女神獨處,我獻上我嘅第一次啦。