家姐推開門入咗嚟,佢個樣帶有明顯失落。
紫彤似乎都比佢嚇親,即刻放開我,仲好似有d心虛咁左圍望

[Salut! 為大家預備嘅日式香煎三文魚扒。。。咦?點解多咗位客人嘅?]

男冰山喺最神奇嘅時候入咗嚟,全部人嘅目光即時集中向佢。可能佢衣著奇怪(party room著燕尾服攞住好多碟三文魚) 嚇親曉晴,搞到佢縮咗喺我後面。睇嚟曉晴怕生嘅情況依然嚴重。

[Oh,你係俊傑女朋友? 幸會幸會,我係Frédéric,不過通常佢地都係叫我男冰山嘅,Je suis desole(對唔住) 冇預你嗰份,不如我而家再整?]

[唔使啦,我食咗嘢。仲有,我唔係俊傑女朋友囉~] 咦~你地d女人真係好衰㗎,又玩口是心非,明明就喺度笑,又喺度扮嬲,真係好難觸摸呀!



琛琛突然企咗起身,話一齊出去食嘢,然後就拉走哂其他人。因為我唔諗住食,所以成間房又再得返我同曉晴

紫彤當時唔肯出去嘅,不過琛琛話廢事阻住我同曉晴,夾硬拖走咗佢

曉晴見所有人走哂,就自己攤咗喺我隔離,仲拉埋我瞓喺度,佢仲刻意哄到好埋,一隻手拖住我。

[家…家姐你做乜嘢呀?]

呢個場景似曾相識



[獨處嘅時候要叫我曉晴。俊傑,你仲記唔記得上次我地唱K?]

[記得~] 何止呀,直頭畢生難忘啦

[咁我地不如再唱k囉?]
曉晴瞓喺我隔離揀歌。老老實實,蒲開mk,唱k就少不免,但係瞓喺度,仲要兩個人貼住咁唱又真係初體驗

[不如我地唱好好戀愛?] 曉晴揀咗方力申同鄧麗欣嘅歌。都唔明佢地一齊咗咁耐啦,兩個嘅合唱情歌全部都係傷心嘅



[唔好啦,不如揀首冇咁sad㗎啦]

曉晴最後揀咗林俊傑同阿Sa嘅小酒窩。

音樂響起,曉晴抓實我隻手,而且十指緊扣

[我還在尋找 一個依靠 和一個擁抱]
就好似我需要曉晴咁,有咩事都會同佢講,有佢喺度我就會好安心

[幸福開始有預兆 緣份讓我們慢慢緊靠]
曉晴捉住我嘅手更加用力,對眼更加係直視住我,堅定嘅眼神又帶點曖昧

[小酒窩長睫毛是你最美的記號 我每天睡不著想念你的微笑]
冇錯,曉晴係我最好嘅知己,係我最好嘅樹窿,更加係我最重視嘅家姐



[你不知道你對我多麼重要,有了你生命完整的剛好]

仲記得曉晴問過我,如果我第時女朋友要求我唔可以再聯絡佢,咁我會點做。

我話 [咁我會飛咗佢,因為咁嘅女朋友唔要都罷,因為家姐先係最重要]

[傻佬,咁你會搵唔到女朋友㗎]

[咁吖,咁家姐你照顧我囉]





[我永遠愛你到老]


唱到呢句,曉晴捉住我嘅手捉得最實,好似驚我會走咗去咁。同時佢再一次合埋眼,哄埋嚟。本能反應下,我將佢收入我嘅懷中。

我地第一次瞓喺同一張床度唱k,喺一個極近嘅距離下,我諗返起以前嘅點點滴滴,令我更加下定決心,要守候喺呢一個女仔身邊





不過又有邊一個諗到呢次已經係我地最後一次唱k呢?