2018年7月10號

[老細~聽日就係第一次grand meeting啦,有少少緊張,我有冇嘢要準備㗎?]

[老咩細吖,未又係喺Dream__lighter為大家服務,你ok㗎啦,我對你有信心]

離嗰日Party room啱啱好一年半。 回望返,我由一個啱啱轉校嘅新生,漸漸累積人氣。喺form4嘅時候有幸選到做社職,同一班好熱血同愛社嘅人一齊拼搏。而家嘅我,參加咗JA company嘅比賽,成立咗一間名為Dream__lighter嘅公司。

雖然話就話係比賽先組嘅公司,但係絕對唔失禮。我地公司約有廿個人,主力做網上藝術交易平台嘅生意。即係你可以將你嘅藝術品擺上嚟賣,亦可以喺度買。



我地嘅員工都唔失禮㗎。正所謂,唔打得都睇得嘛,個個都男女神嚟。以我眼前呢位秘書為例,一身健康嘅膚色,配上一對水汪汪嘅大眼,相信應該係唔少男士嘅理想類型。

由於我地係公開組,所以可以搵唔係自己學校嘅人,而眼前呢位可人兒,就係幾日前主動應徵嘅,仲話喺外國讀過書,加上樣貌姣好,呢d人才有邊個把持得住呢?

[係呢~老細呀?你有冇拍過拖呀?]

啱嘅,我地兩個互望咁, dead 哂air 好老尷,話題靚開

[拍拖呀? 你估下?]



[睇你個樣,我覺得你係有好多故事,經歷過好多嘢嘅人,所以我覺得你有]

估唔到呢個女仔直覺又真係幾準

[有就有,你想唔想聽吖?]

[好吖]

我深吸一口氣



[九月一號,為平凡嘅校園帶來不平凡。。。]

我話比佢聽邊個係紫彤,邊個係曉晴。我喺培生中學嘅校園生活以及去到party room嘅事都一次過講哂。佢就好似以前講故佬嘅聽眾咁,聽到如癡如醉。

[你係咪傻㗎?曉晴擺明鍾意你啦!咁你都feel唔到嘅!]

[唉~咁A0小薯仔係咁㗎啦。男生普遍一般遲鈍嘛。]

[不過曉晴係咪我地Dream__lighter嘅其中一個員工?]

我搖一搖頭。我又諗返起當日party room發生嘅事,只能夠講係一場遺憾。

[你竟然冇請曉晴嚟Dream__lighter?唉~枉人地對你咁好,你竟然唔請人,所以話你地呢d男人真係冇本心㗎!貪新忘舊! 睇你個樣連紫彤都應該唔記得㗎啦!]

真係呢。眼前呢位小姐谷起塊面,嬲嬲豬樣。都唔明,佢又唔識紫彤同曉晴,只係一個讀者,都咁激動。



[點會呢?紫彤係我最珍貴嘅妹妹,又點會將佢拋諸腦後呢?]

[我先唔信你呀!咁跟住呢?你同曉晴好sweet咁瞓喺張床度唱k吖嘛?爽死啦?]

唔知點解,呢個女仔聽到紫彤同曉晴嘅事特別激動同嬲咁,都唔知佢諗乜㗎

[之後吖,冇乜特別吖~]

[講埋落去啦~]
佢捉住我隻手係咁fing我,大佬,斷啦斷啦

[得得得,我講,但係,我怕會影響你聽日開會心情喎]

[哈?點解吖?]



[因為我嘅人生充滿遺憾,但係呢d遺憾塑造咗我精彩嘅人生。明白嘅話我地繼續啦]






其實講咁多,呢間Dream__lighter都係因為曉晴先會出現。或者係因為喺曉晴眼中,我永遠係一個需要人照顧嘅細佬,因此我好想透過今次去證明比佢睇,我唔再需要佢操心。趁呢個機會,我好想同佢講:昔日受你照顧嘅細佬都已經長大啦,你喺追夢嘅路上都要加油,細佬永遠會支持你。

<一個刻骨銘心嘅故事,總伴隨著不能彌補的遺憾>











小弟公司IG: Dream__lighter
記住係兩個underscore吖
喺8月中正式開業,請多多支持