[王嘉豪?]

我隱若記得呢個名應該有d特別,但係喺邊度聽過,我又唔記得

[好似唔知喺邊度聽過咁]

[冇可能,你未轉入嚟嘅時候佢已經走咗啦。你冇可能識佢]

狼人搖搖頭咁講。我稍為清醒少少先發現問題所在



[咁Adrianna鍾意嘉豪,咁點解佢要同我曖昧,要比假希望我?]

我好認真咁問,迎來嘅只係狼人嘅恥笑

[真係笑你on9怕你嬲!]

狼人語氣又開始激動起嚟

[即係人地由頭到尾都冇鍾意過你,只係當你係代替品。正因為佢忘記唔到嘉豪,同時又唔可以搵返人,咁佢未將你代入做嘉豪,等自己好過d]



狼人見我駁唔到嘴,又繼續炮轟我

[咁到你表白嘅時候,佢由此至終鍾意嘅都係嘉豪,咁佢又點會應承你呢?]

[所以一句到尾,醒少少啦,你只係當緊兵,只係一個替身咋!]

哈哈,原來由此至終我都係兵

抵死嘅係,k房剛巧播出周柏豪嘅六天



[情人沒我分,苦等這眼前人,賜予我身份]

[我不過是個人,都會難堪,不想充當他替身]

可笑嘅係,我開始跟住音樂唱,狼人同狼人嫂以為我打擊太大,癡咗

[或者 後補 做到 比天 更好 才可 令你 替我上訴]

睇嚟我都有資格唱兵歌之王
狼人同狼人嫂面面相覷。

[俊傑呀,咁我諗,其實你應該都冇咩mood再繼續唱k啦,咁不如我同狼人走先?]

狼人嫂見我情緒咁激動,連籍口都廢事搵,就話要走



[走啦走啦,唔使理我,我ok]

不過我唔怪佢地嘅

其實個個都係咁㗎啦。邊有人會永遠陪住自己,到最後未又係得返我一個。

我等狼人同狼人嫂走咗,自己再一個頹然行出k房。回望房內嘅佈置,感覺一切嘅努力都係白費嘅。更難堪嘅係,我對於adrianna嚟講係咩,我自己都唔知。嗰種感覺就好似你喺比賽中以為自己勝券在握,但係最後輸到一敗塗地嘅感覺。

我呢一刻先明白,曉晴比我拒絕嘅時候,心情係有幾失望。出於期望落差嘅失望真係會令人崩潰。講起,唔知曉晴而家點呢?

我打開IG,嘗試了解現時曉晴嘅生活。但係我即時見到之前傳訊息比我嘅奇怪陌生帳戶

我真係唔相信我之前竟然會忘記咗呢個帳戶。因為我第一次接觸到王嘉豪呢個名就係從呢個帳戶嘅訊息(28章)

我手攞住電話,原本嘅失落同悲傷都已經消失得無影無蹤,剩下無盡嘅不安喺我腦中揮之不去。



呢個帳戶究竟係邊個持有?

點解佢會比我更了解Adrianna?

我仔細搜尋呢個帳戶嘅資料。

冇followers,一個following(我),0個po

得個帳戶名,剛出生的紅太陽,其餘咩都唔知

搵咗半個鐘,最後一無所獲

既然搵唔到其他線索,我都係將呢件事暫時擺埋一邊。



電話響起,係紫彤嘅來電。

[喂,阿妹。好耐冇吹過水啦,咩事呀?]

我禮貌回應,不過我比較想處理咗個陌生帳戶嘅事

不過諗下諗下,紫彤真係好耐冇同我講過電話。對上一次傾電話好似已經係3個月前嘅事。

[點呀,我有阿嫂未吖?]

紫彤問

我將k房嘅全部事都講哂比佢知,出奇地,佢一d驚訝都冇。

[你,一早知我會失敗?]



我從佢嘅反應推斷

[當然啦,係得你一個唔知啫]

紫彤一個恥笑mode

哈哈,真係可笑,連紫彤都知,枉我仲自認為同Adrianna熟,原來最白癡嘅係我。

今次嘅事件,令我一直以為自己掌握大局,最後原來自已經先係最無力嗰個

自此以後,我每日嘅返放學都係行屍走肉般。而見到呢個情況嘅Adrianna只係當我透明。更離譜嘅係,佢會開始避開我。

我每日最大嘅目標就係放學去觀塘海濱,一邊打稿一邊懷念美好嘅時光。

三個月後,曉晴同Adrianna相繼疏遠我。最後,我只可以喺往事入面回應返當時嘅美好時光

我越寫越唔甘心,我真係諗極都諗唔明點解Adrianna可以咁自私。

你問我嬲唔嬲佢?唔嬲就假啦!不過幸好嘅係我仲有一個可以依靠嘅妹妹。

每日打稿同行屍走肉嘅日子維持咗兩個禮拜。最厲害嘅,係我一日可以講少過十句嘢。本來健談嘅我,亦變得沉默寡言。

相比現實世界,我更寧願埋首自己嘅小說世界,回憶美好時光

情況一直維持,直至某一日

紫彤以訊息傳嚟一句,嚇到我個心都離一離

[喂,不如我地搵日單獨出街囉]