{本章節劇情為外傳,並不影響主線的故事情節}

{以下事件皆為Adrianna視角}


係兩年幾前嘅某月某日我同嘉豪係誤打誤撞之下認識左...

佢雖然唔係啲咩顏好高嘅男仔,但係我只可以講佢係我最深愛嘅男仔.其實我同佢嘅關係好曖昧,雖然只係短短半年嘅時候,但佢足以令我用左一年半嘅時間忘記佢,甚至可以講吾係完全忘記曬佢,只係忘記到四分三.

仲記得有一次夜晚我同佢傾電話直至一點幾兩點,由於佢平日真係好早瞓,十點幾十一點就瞓,所以我就問佢



’喂,王嘉豪,你吾眼瞓咩?

’佢就話’吾眼瞓呀!!繼續傾啦!’
我就笑住咁講
’傻仔,瞓啦你平日咁早瞓點會吾攰呀!你聽朝起身再call我啦!good night!’

就係咁我就迫左佢收線.我地之間一直都有好多好曖昧嘅野發生,做嘅野都好似情侶,雖然係咁,不過我都覺得自己吾仲意佢

但有一次佢為咗救我而整親(之前狼人講過,我唔喺度重複)令佢daddy mammy吾比佢再同我聯絡,而之後,佢襯佢daddy mammy吾係到嘅時候佢call左我...但冇諗過呢個就係我地最後一個call



嗰呢一個call裏面我喊住咁發佢脾氣,佢不斷哄我,而我不斷喊,佢覺得我好無理取鬧,而決定吾再理我,點都估吾到最後一次嘅對話會係咁樣end左.

我一直覺得失去佢又如何,我又吾係仲意佢,但原來我一直都呃緊自己...我係好仲意佢

失去佢之後我完全控制吾到自己去諗佢.

不過我發現原來佢已經有女朋友,我個一刻完全係吾知可以比咩反應,但我心裏面只係閃過一個念頭,‘只要佢幸福我就幸福’

細細個成日聽失戀嘅frd講呢句我都會覺得佢哋好成熟,我唔知佢哋佢係真成熟呀定係扮成熟,但係點都好啦,係呢件事我真係好明白呢一句,日子一日一日咁過去,我見到佢ig post好頹,先發現原來佢同佢女朋友分咗手,我諗住我可以開解佢,但係打開Snapchat諗住text佢嘅時候,我根本唔知我可以用一個咩身份去安慰佢,所以我放棄左.



好快佢ig又post左同呢個女仔嘅親密合照,我知道佢同呢個女仔復合左,我真心為佢地復合而感到開心,因為我真係好吾想再見到嘉豪頹.我知睇到呢度你哋會話我好傻,點解會去鍾意一個根本唔會再鍾意自己嘅人,我係知道佢唔會再鍾意我,但係我冇一個好合理嘅原因令自己放棄佢

你哋亦都可能會話佢唔會再鍾意你已經係一個好合理嘅原因啦,但我只可以講我真係放唔低佢,就連身邊嘅friends都叫我放棄話佢唔係好男仔,但係我知道佢真係好好,只係我啲friends睇唔到佢好姐!!

愛情可以令人盲目。俊傑其實某程度上同嘉豪好似。喺同俊傑嘅相處,我可以搵到嘉豪嘅影子。我好掛住嘉豪,咁我可以點做?

我知,我知咁樣係對俊傑唔公平,不過唔通我地曖昧就等如我鍾意佢?咁我唔鍾意佢又點可以同佢一齊呢?

不過我相信,我同俊傑都唔會再好似以前咁。老尷㗎嘛

所以希望俊傑都盡快放低啦