看着龍少的臭臉,我不禁低下頭

他的臉,真的很討人厭,很欠揍

[龍少,你攞你個銀包出嚟吖]

龍少聽到我低聲說,只是笑得更誇張

[死唔眼閉吖?得]





龍少從衣袋拿出G字頭名牌銀包,在我面前揚揚得意地玩弄,像是諷刺着我的失敗

[你試下打開佢] 我冷冷地拋下一句

龍少頓時驚嚇無比,因為他的銀包空空如也

[點會咁㗎?] 龍少難以置信地看着銀包

我從G字頭名牌袋中,拿出一個和龍少手中一模一樣的銀包。我打開銀包,展示着龍少的證件和信用卡等以作證明





[你個銀包喺我度] 我微笑道

[哼!咁都係3個銀包啫。況且我銀包入面都冇三十萬現金,你攞咗我銀包都冇用]

龍少沒有因銀包被盜的事而受打擊,臉上依然展現着高人一等的笑容

[如果我呢度有60萬呢?]

我打開名牌袋,展示給阿雪,阿朗和龍少看。此時三位的臉上亦露出驚訝無比的表情





[癡線!你打劫銀行呀?邊有可能會有咁多錢!]

龍少面紅耳赤,想必因不能羞辱我而感到憤怒

[咁就要多謝你啦。呢度d錢都係你銀包入面嘅信用卡變出嚟]

龍少聽到後,頓時震怒。雙手握緊拳頭,一直發抖

[冇可能!!我一直有檢查自己個銀包同電話,我都唔發覺你偷咗同用咗我張信用卡!]

龍少青筋暴現怒視着我。剛才洋洋得意的他轉眼就暴跳如雷,真有趣

[我一直都見到你喺遠處監視住我,仲叫咗個男人跟蹤住阿雪。由嗰一刻開始,我就知道你會畜意令我完成唔到任務]

[因此我選擇俾你發現,俾你監視。等你不安,落手機會自然多]





[你喺酒吧第一次跳舞,我只係偷咗你銀包入面嘅錢,同借你部電話一用。由於你部電話同阿雪嘅係同一牌子。因此我事先問阿雪借咗佢部電話。再將佢張sim卡換落你部電話度。喺咁樣嘅情況下,你依然可以上網同通訊,就只係接受唔到電話嘅訊息]

[然後我將電話俾返你,再用咗4分鐘跑去附件嘅G字頭名牌店度買個同你同款嘅銀包]

[之後我第二次出現,我就將空嘅銀包同你嘅銀包交換。咁樣,你檢查嘅時候袋然會覺得自己嘅銀包仲喺度。因為你嘅極度不安,以致你寧願檢查電話入面嘅大額交易都唔檢查銀包嘅內裡]

[你個銀包冇咩現金,不過值錢嘅係你張信用卡。由於信用卡保安電子化。每當大額簽帳時就會以電話信息通知卡主,只要卡主及時取消通常單交易都唔會成立。不過可惜嘅係,你部電話係接收唔到短訊]

[於是乎,喺店員唔會認真核對信用卡簽名下,我成功地買咗70萬嘅金器。然後,我只須要行4分鐘到另外牌子嘅金行,只須要熔咗d金,再以金價賣返比佢地。我就係咁喺你將信用卡套現60萬現金,亦即係你而家見到嘅呢一袋]

阿雪同阿朗都露出佩服和不可思議的表情,而阿雪雙眼簡直看着我發光。相反,龍少則完全失去理智。畢竟,剛才的強勢一下子被扭轉。永樂只想,自認為高人一等的龍少輸得心服口服

[你好嘢!咁樣玩我!]





龍少對着我大聲怒吼,我以微笑回應

[等等先,但係一般人信用額都係得二至三萬,你點會覺得龍少張卡可以碌到咁多錢呢?]

阿朗托着頭問我

[咁就要多謝你啦!因為你啱啱見到龍少件名牌西裝仲未剪牌,因此我推斷龍少信用額應該啱啱加大咗或者本身都好高]

[冇錯,所以由頭到尾,呢個計劃之所以會行得通都係多得龍少。佢咁鍾意打架,令我可以知道佢電話銀包款式;佢咁鍾意炫耀,令我可以估到佢嘅信用額。因此,我只係負責策劃,成事嘅係龍少]

我諷刺着震怒的龍少

[好吖!你都識講,信用卡用戶遇到可疑交易可以取消。我而家就打去card center話我張卡俾人盜用咗。咁取消咗交易,你呢筆錢都要還,咁都算係測試失敗! 哈哈哈哈!]

龍少猙獰地看着我狂笑。他眼中只有無盡的殺意





[好呀!你同銀行講你張卡比人盜用咗啦。然後佢地好快就查到係我偷你張卡。不過,我地罪工場第一規條矩係不得向任何人提起罪工場。如果我入獄,唔知你嘅下場又會係點呢?龍少~]

我嘴角閃過一絲奸笑。如今的龍少就像隻喪家犬,只管向我們吠。這次測試,最終演變成我與龍少的對決。當然,大獲全勝的人是我。但是,勝過流氓亦不使我有多高興

我以堅定而不屑的眼神死盯着他,原本目中無人的他竟然被我嚇倒了

[我唔係奴隸。睇小我地,你一定會後悔]

我冷冷地向龍少拋下一句,便頭也不回地與阿雪和阿朗離開蘭桂芳