香港係一個紙醉金迷嘅城市,但係享受嘅往往只有嗰班高官同富豪
 
唔好誤會,我唔係想講政治或者怪政府,因為香港嘅貧富懸殊唔係今時今日嘅事,亦唔係任何一屆政府輕易解決到嘅事
 
呢個故當然誇張咗好多,但係講緊嘅其實係大部分香港人嘅故事。一個作為金錢奴隸,作為你老闆工具嘅故事
 
你可能會好似永樂咁,拼命向上爬,唔想再比人睇唔起,好想去成為社會嘅上流人士
但係,你只會因功高蓋主而不被重用,亦只會得一個失敗收場
 
你可能會好似芯妤/心妍咁,只想簡簡單單咁過日子,唔諗住向上爬




但係作為社會低層嘅你,只係會比人睇唔起,甚至無視。你死咗,個社會都唔會可憐你,亦唔會為你停下
 
你可能會好似曉晴同阿雪咁,為咗愛情你願意犧牲一切,用盡一切辦法去守護你嘅愛情
但係喺金錢同利益面前,你嘅愛情弱不禁風,只能望住佢逝去,而且你咩都做唔到
 
你可能會好似阿朗咁,你為咗名譽而甘願做權貴嘅走狗。的確,你會風光一時
但係你隨時比人當棄子所用,最後你會失去一切
 
最後,你會好似俊傑,開始對所有嘢都灰心,咩都唔再理會,一切都好似唔關你事
但係最後你似終離唔開金錢同權力嘅束縛,你喺香港就一定要被逼玩呢個殘酷嘅遊戲




 
呢本書,的確好負面,亦唔係一個好結局。但正正我地喺香港生存緊,我亦唔想去美化d咩,亦只係想將現實反映出嚟
 
冇錯,現實係好殘酷,我地都只係有錢人,權貴同社會嘅奴隸
 
但係當你好灰心,好沮喪嘅時候。當你比人無限OT冇補水嘅時候,請你記得香港仲有600幾萬個奴隸同你一樣,我地絕對明白你嘅感受,因為我地同你一樣,都係喺呢個充滿住荒謬嘅城市打拼同生存
 
好希望睇完呢本書嘅各位,喺面對難關,甚至對香港社會同人生灰心嘅時候。請你記得,唔緊要,即使逃脫唔到,都仲有600萬個奴隸會支持你
 
共勉之