「畢竟係最後一節宗教堂,等大家放鬆下吧。跟大家講個坊間傳說啦!相傳每過一萬年,上帝會派一位天使到凡間,天使會遇到一位愛自己既凡人,但呢位天使注定要為呢位凡人捨命,然後=19.5px喺3日後復活,但復活後的都是漫無目的地生活,而天使無法再愛上任何一人,直到重遇那位已經失去記憶的凡人,並再次相愛起來,天使才能得到解脫,與凡人過著幸福快樂的生活。可是,若凡人去世了,而天使還沒有與凡人重遇,天使就要返回天界,並失去一切在人間的記憶,或許這也是一種解脫呢~我覺得這個重遇的機會比中六合彩還要低1000倍~希望你地會遇到啦,哈哈。今天的就到這裡吧,你也趕快起身了,陳啟明......陳啟明!」我從夢中頓時被拉回現實。「又係呢個夢.... 」                           

都未自我介紹添,我叫陳啟明,大家都叫我啊明/明仔,就讀香港中文大學設計學系year3。由於不善於表達自己,所以好小同唔熟既人傾計,特別係同女生,正因為咁我到而家都係一個A0仔,都好希望可以試下戀愛既滋味。
今日,上完堂我就好似平時咁係canteen搵定張四人檯。然後一路睇下ig,一路等娜姐、啊凌、同埋啊天佢地一齊食lunch。「喂!明仔,又係度做毒L啊?」滿帶笑容的啊天用講笑的語氣玩我。「我唔做毒L你邊有位坐啊」他們也是冷笑一下就帶過話題了。「話時話,後日你地得唔得閒?一唔一齊去書展?」啊凌突然喺食緊飯既時候問起。「下!一個淨係識溝女既人竟然話想去書展!?」娜姐同啊天臉上掛著超疑惑的咁表情向著佢。「其實呢,聽講後日Rose Ma會去書展,我咪想你地陪我去,順便去買佢本寫真lo...」「都知你呢隻咸濕仔冇咁好死啦,點會無啦啦做文青吖」我即刻忍不住笑咁同啊凌講。「我既好brother們,就陪下我去啦,我真係好想買本寫真...」我地3個見到啊凌又認真、又咸濕嗰個表情叫我地陪佢去,我地都「唉.....」左一聲,真係冇呢隻咸濕仔乎。🤦🏻‍♂️

就係咁,我地四個就決定喺後日去書展。我本身都有睇書的習慣,所以就上網睇睇有冇自己鍾意的作品可以喺書展買到。希望唔好白白浪費25蚊陪嗰隻咸濕仔買寫真而乜都冇買........