我竟然鍾意左...！？: 第三章
「咁我出去俾錢先啦，你係出面等我啦。本書我俾你keep啦，我覺得你份人都可信」我示出打從心底既微笑同佢講。
佢點一點頭示意ok。
係櫃檯俾完錢之後，我就出去搵返個女仔。
「係呢，都未知你叫咩名添」
「我叫張雯雯，你可以叫我雯雯」
「陳啟明，你可以叫我啊明/明仔」
呢個時候電話突然響起，係啊凌打過黎：「喂明仔！你喺邊啊？差你咋！快快趣趣過黎商X印個攤位啦，係咁先」
「你都聽到我朋友催我啦，呢個係我電話號碼，到時你睇完本書就打俾我啦」我將電話號碼寫喺書面上。
「嗯，咁我睇完再打俾你啦，掰掰」雯雯向我露出甜美的笑容後就轉身走了
我同雯雯分開左之後，就趕快同啊凌會合，原來成班人一早已經睇完，就企左喺度等我。
「sorry啊，一睇大佬們塊面仲黑過墨汁就知你地已經企左喺度好耐啦，等小弟請大家飲杯Starbucks啦好嗎？」
「算你識做啦明仔！」娜姐似乎好滿意我既答覆，其他人都冇異議。睇黎佢娜姐呢排應該係落得太多老蘭～
就係咁，我地就離開左書展然後搭船去尖沙咀行下同埋「找數」。行左一陣海港城之後，我地都唔想再行了,因為係書展都行左好多路了。就去左入面間Starbucks飲野。「係呢，我啱啱好似見到你喺書展同一個女仔講野，明仔你對佢有冇咩感覺?」啊凌帶住又好奇又認真的態度問我令我有小小驚訝，我呢個best friend都好少見佢露出有一點認真感覺的態度。
「我覺得自己以前好似識呢個女仔，總係有種熟悉又陌生既感覺。但應該都係我錯覺掛，我點會識呢種咁靚既女仔吖哈哈～」我都係帶笑咁講出自己真正感覺。
「咁都算你有反少少良心.......」
「你啱啱講咩？你講得咁細聲...」呢個時候啊凌俾我一種不知所措的感覺，就好似唔知點樣答我。
「冇～啊凌想話你真係去邊度都有女識，羨慕你姐～」啊天突然間喺啊凌開口前就講左原因出黎。
「咪就係咯，都唔知點解你條友仔成日識到女。真係幾羨慕你～」啊凌帶著一臉不正經的笑容講。但我識左佢咁耐，我肯定佢啱啱係非常尷尬，唔知點答我好。我估啊天咁幫住啊凌講原因係因為有野瞞住我。但我都係冷笑左一下，講左句「原來係咁～」就算，費事佢地尷尬。呢個話題就正式完結左，佢兩個都即刻搵其他話題，似乎唔太想提起啱啱既話題。唔經唔覺就已經喺Starbucks留到5點，我地都各自返歸......