我竟然鍾意左...！？: 第五章

唔係講笑，我等呢日都等得辛苦啦！喺見面前既晚上，期待既心情令我基本上係完全訓唔到，頂多只係訓左1-2個鐘。照早5點就起左身既我為左令時間過得更快同埋個人精神少少，就落左街打左1個鐘籃球，再食個早餐。之後再返屋企沖個涼、執好個髮型，再著件白色T-shirt加條貼身藍色牛仔褲。 到左9點，間唔中都有打機既我為左消磨時間，就開左部電腦打一陣Lol。一開game我就見到娜姐都在線上，就係咁，我同娜姐就雙排左幾場。 

11:30「我因間約左人，所以唔玩啦，掰掰」 

11:31「係咪約左女朋友啊ಠ_ಠ，你咁靚仔，我就唔信冇女仔追你！」 

11:31「係就係女仔....但我同佢朋友黎...你唔好諗多左」 

11:31「冇諗多～咁我唔阻住你同你個「朋友」出街啦，姐姐我咁識做～」 

11:32「我真係冇你咁好氣.....係咁先啦，掰掰」

呢個世界約女仔早到總比遲到好。所以關左部電腦之後，我就出左門口。去到旺角都只係11點45分，見仲有時間既我就去左朗豪坊行坐陣。行到一間女裝店時，我被眼前一套無袖
黑色連身裙所吸引，我唔係有咩特殊癖好，而係覺得呢套連身裙好襯雯雯。一幻想雯雯著住條裙既情景，就覺得係雯雯的話一定會carry到，仲會好靚添！就係咁，我好衝動咁買左條裙，反正而家有discount～時間咁就到左12點半。時間當然預早到好過遲到啦，所以就行返去地鐵站等雯雯。真係咁啱得咁橋！一落到地鐵站既便利店買飲品時，排隊俾錢既時候身後有人拍一拍我膊頭。以為掉左野既我轉身只見一個著左件黑色緊身T-shirt配一條白色短牛仔褲既女仔用令人融化的笑容望著。

「hi阿明，我幾驚自己認錯人..哈哈～」 

「估唔到咁橋~而家先12點9，雯雯你咁早到既？」

「你咪又係～哈哈」我地尷尬左1秒都笑左出黎。



「係呢，阿明你食左lunch未？」

「未啊」

「咁不如一齊食？」

「ok啊，我冇所謂」

我地去左間譚仔食lunch，叫左個皮蛋同2人份量既米線一齊食，始終lunch唔洗太飽。喺等緊野食既時候雯雯比左本書我。「係啦雯雯，我都有樣野想送比你」我就順便將啱啱買既裙俾佢。



雯雯望一望紙袋入面係咩，佢發現係一條黑色連身裙之後露出一面好開心既表情。但下一秒就即刻收起笑容，將條裙推翻比我「唔得！我識左你24小時都唔夠，我唔可以收你咁貴重既禮物！」

「唔係唔係！其實係我覺得條裙好襯你姐，只要你鍾意就得啦。你唔好拒絕我份心意啦.....」

「好啦....但係，下次你要俾我請翻你食飯！我唔可以白白收你份禮物！」雯雯臉上掛著又開心又唔想太顯露出黎既表情

「一言為定！！！」心裡實在太開心啦！雯雯咁講即係話我地可以再見面......