我竟然鍾意左...！？: 第八章

好！又要過返普普通通既生活了!返part time、返學，生活就一如既往的平淡，世界和平my favourite！

你可能會問我「咁你唔搵雯雯？」咁如果佢上次嗰句係客氣說話，咁我又煩着人，咁咪分分鐘朋友都冇得做！就係咁，呢兩個禮拜我都冇搵過雯雯～

時間不知不覺過左過左3個禮拜，而今日又係返學既日子。

「喂喂喂，聽講遲下會有個轉系生過黎啊！我聽講係女黎！」

「哇，真係嘎！？唔知靚唔靚女呢～」



落堂之後，我聽到兩個男仔係度講呢件事，而其他人聽到之後都開始紛紛議論。對邊個轉入黎讀完全冇興趣既我就照常落canteen攞定張四人檯。

「喂！明仔，又係度做毒L啊？」啊天又同我開呢個玩笑。

「係啦係啦我係毒L啦得未？咁下次冇位唔好怪我啦～☺️」我帶住開玩笑既憤怒表情玩啊天。

「對唔住大哥...我錯...🙇🏻‍♂️」

「算你啦，哈哈🤣」大家都笑左出黎。



「係啦明仔，聽講有個轉校生轉去你地度讀喔！」其實關你呢個咸濕仔咩事呢...

「係啊，不過我對佢係邊個完全冇興趣！所以唔好叫我幫你攞人電話/ig！多謝合作。😀」

「哎呀我既好brother啊！你係咪識讀心啊？我知道你一定會幫我吖嘛，咁我既終身幸福就靠你啦。」啊凌呢條友次次叫我幫佢問人攞電話/ig，佢話始終論樣貌，我問既成功率會大好多咁話...

「哎呀我既好brother啊....x100000」佢真係好鬼茅...呢招對其他人可能冇用，但對我就，唔講啦...🤦🏻‍♂️

「得得得得得得得得得！我真係怕左你...唔該我到時真係攞到比你之後唔好係咁騷擾人！」我真係怕佢到時俾人告性騷擾...



啊天同娜姐就喺度食住花生睇我點樣再敗於啊凌既「必殺技」...我地繼續食埋個lunch，我地食完個lunch就各有各節目，啊凌約friend去睇戲，娜姐「又」去借宿一宵，我就去mk既書局行下，啊天返屋企訓覺。咁啱我同啊天行同一條路，我地就一齊行。啊天突然話有野拜託我，希望我幫手。

「啊明，我就知你讀design既，咁我有個都幾fd既女仔就幾有家底，咁佢呢排就搬出去自己一個住，但佢又唔太喜歡靠父母，父母都係幫住佢叫首期姐。咁啱佢又知道我有個friend專攻室內設計，即係你。唔知你...」

「得。唔洗講，做兄弟既我一定幫！放心，保證平靚正啊！我一定幫佢design得好好睇睇！」一來幫到兄弟忙，二來當儲實戰經驗仲好。

「有你呢句就得啦！不愧係好兄弟啊！我返到屋企俾你電話佢啦，佢會搵你啦。」

「得啦」

估唔到，最後搞到自己咁亂既人係我自己。一早知道結果的話，我肯定唔會答應啊天...

（唔好意思啊各位🙇🏻‍♂️仲要讀書既我因為學業問題，可能有時會比較忙，可能一星期都出唔到一章...但因為你地肯花時間睇我既文章，我當然會繼續寫，希望可以一星期出到一章。因為，你地先係我寫呢個故仔既最大動力！冇你地睇呢個故事我根本唔會再寫到落去😆）