我竟然鍾意左...！？: 第九章

「hi👋🏻你係阿明？」就喺我剛食完晚飯既時候，電話傳來一則信息，應該係啊天朋友。

「hi👋🏻你就係啊天個朋友？」雖然係好低能，但都要問一問。

「係啊😄你可以叫我Samantha。」

「啊明，大家都咁叫我。」

「啊明，咁啊天大約講左情況你聽？」



「係啊，咁Samantha你就要呢幾日內俾一俾間新屋既地址，面積，大約預算同埋預計入伙時間比我，等我可以有時間準備一下平面圖。冇問題？」我大約同佢講返需要既資料。

「好的👌🏻冇問題，但你收既價錢....」

「放心，反正我幫你我都可以當儲下實戰經驗，而且啊天叫到，我都係循例收你1500蚊姐，而傢私我都會同你去揀，揀好先再買，保證一切平靚正啊！」

「咁就太好了，真係唔該你啊，如果唔係我都唔知點算啊，哈哈。」

「唔洗客氣，幫到你時又幫到自己，幾好吖！」



「唔得，等我請你食餐飯啦><」

「都好！🤙🏻」
 
我同Samantha傾多一陣閒計就停左話題，冇再講落去，因為聽日仲要返工。睇埋個faceboook同ig就訓。其實我都唔知有錢人思想係咪高一個level，生於有錢家庭，但又唔想用。雖然真係好有骨氣，但我覺得多用一點錢真係冇問題，始終呢個係佢地獨享既權利。只要唔好做「敗家仔/敗家女」同埋「曬命」就ok～是但佢啦！訓覺重要好多....

「叮——叮——叮....」

我被手機鬧鐘嘈醒了，又要開始新一日。即係又到打工日...話說呢兩個禮拜冇見雯雯之後，又少左發嗰個夢了。但我又好想再發多次，我好想知道到點解個女仔會話「唔會有幸福」，我真係犯賤～



「唉，終於收工！」又朝早8點做到夜晚5點..真係攞命啊！係觀塘一間餐廳做完野之後就搭地鐵返屋企。地鐵一如既往的多人，一諗到打完工仲要企5個站真係想死...正當我得返個肉身企喺地鐵車廂既時候，我聽到一把好熟悉既聲音。

「我唔啦，我打算約我朋友去啦，sorry啊」

呢吧聲，真係好熟悉，當我掉轉身打算確認一下既時候。我見到既係一個女生拒絕緊一個「兵仔」的場面。而嗰個女仔，不出我所料，真係雯雯...