我竟然鍾意左...！？: 第十三章

食完野都只係7點半，趁仲有時間，我就同雯雯行下又一城啦！雖然又一城就真係冇咩好行...但食完飯hea下hea下都行左半個鐘。

「我今日都攰啦，真係多謝你啊！」

「唔洗客氣啦，洗唔洗我送你？」

「唔洗啦，我都係住呢度附近～唔洗麻煩你啦。」

「咁好啦...你自己小心啦～」其實係我想送雯雯....可惜佢話唔洗...



「啊....仲有樣野！」正當剛轉身，準備朝雯雯走的相反方向回家時，我被叫停了。

「我..我話過欠你一個人情....」

「唔洗啦～舉手之勞姐，哈哈」其實我覺得幫一幫個朋友真係唔算得係咩...

「唔得啊！」雯雯反而好堅決咁回答。

「咁但係我冇咩想你幫我做喎...不如就算啦？」



「唔得！可能你覺得唔算得係咩，但對我黎講你幫左我一個大忙。咁啦，我就欠住你一個人情啦，你...你想我做咩都得啦！」

「咩都得?」幫一個忙就咩都得...?🧐

「嗯....」雯雯的臉紅到成個關公咁，但我又唔明點解紅到咁，睇黎我好似問左唔應該問既野...🤦🏻‍♂️

「好啦好啦。」你咁堅持就算啦～

「仲有！」正當我轉身走既時候，我再次被叫停。



「記住....」雯雯臉上掛著難為情，唔知點開口既表情。

「記住咩？」

「你....得.....得閒就搵我」雯雯臉上依舊咁紅，仔細睇睇好似仲紅過啱啱。

「好..好啊，一定一定！」我被雯雯既主動都搞到有點尷尬。

「咁好啦...掰掰～」

「掰掰～」

用左5分鐘既時間，「啊！終於翻到黎!好攰啊！冲個靚涼先～」慣性既自言自語。用左短短5鐘既時間就沖完涼既我攤左喺沙發上。

「哇，好少見陳先生放完工都成8點幾先返黎喎～係咪約左囡囡啊～～～😏」我被突如其來既聲音，仲要係好奸嗰種！嚇到差點從沙發跌左落地...



「嚇死人咩！行路冇聲既你！？😢同埋你今日翻左黎既？」因為娜姐今日原本話去朋友屋企。

「個friend話唔舒服，佢話.....所以咪翻左黎咯。」娜姐解釋返比我聽。

「原來係咁～仲有我只係咁啱見到朋友所以一齊食夜晚同行左陣，先會夜左少少返！你唔好諗多左，多謝合作。😑」真係對呢個多事既堂家姐無言了...

「信住你先啦～😏」

娜姐講完就返返入房，而我繼續攤左喺度睇下電視，但由於太攰既關係，睇下睇下就喺張沙發訓著左了....