我竟然鍾意左...！？: 第十四章

「...而天使無法再愛上任何一人，直到重遇那位已經失去記憶的凡人，並再次相愛起來.....」夢，再次出現，但仍未察覺。

「喂！唔好信啊！」坐喺隔離個女仔咁樣同我講

「下？信下無妨吖，唔係咩？」

「唔會有幸福...」個女仔臉上流下兩行眼淚...

「我只係...我只係...」呢個女仔因為喊緊，講野都斷斷續續。而呢個時候，我開始知道自己喺夢入面，今次係第一次喺夢中有自己既意識。



「只係咩啊?你唔想我信都要俾個理由我啦！」我既心開始急起上黎，搞到語氣都重左少少。

「對唔住...對唔住啊！」睇黎我既語氣令個女仔更加激動，令佢大哭起來...

「咁你對唔住我咩啊！？」老師既課堂即將完結，令我更加急躁起來。

「陳啟明，陳啟明！」

無可奈何，個女仔淨系一直咁講對唔住同喊，一切都太遲了。而夢既結束，亦代表要開始新一日既生活開始了。伸手拿正在響著的手機，將那手機鬧鐘關掉，正當我開著手機把其鬧鐘關掉時，發現原來Samantha系1個鐘前send過野黎。再望一望，原來已經10點半，一向早起既我睇黎真係太攰了。今日仲要翻學既我馬上走去沖個涼，等自己精神少少。執返好個髮型，換返件灰色T-shirt同黑色貼身牛仔褲，即係同平時差唔多既裝扮。再咩埋個背囊就出左門口。忘記左搵Samantha...



「唉，終於上完堂，攰死啦！」上完堂既我鬆一口氣。

「係啦，琴日唔知做咩搞到咁攰啦～」娜姐又加把口。

「你食你既lunch啦...🙄」

「誒，睇黎我地既明仔又用暖男mode俘虜左一位少女既心喔～😯」啊凌又加把口落黎。呢度要交代一下，其實本身唔介意幫人既我雖然冇拍過拖，但係就聽啊凌佢地講因為我些女同學因為我幫過佢少少忙而對我有好感或鍾意我，所以就比啊凌話我「成日」用暖男mode擊倒女士們既心。可惜，佢地真係諗得太多，我只係因為自己唔介意幫人先會咁做，並唔係因為咩野要做暖男...🤦🏻‍♂️

「哎呀哎呀，有人要做男神明咯～～～😏」連啊天都玩埋一份...



「你三個唔好ff咁多啦...我琴日只係放工系地鐵站見到個朋友，所以咪一起食夜晚同行左陣，吹兩句lo～」我點都要俾個交代呢3條友。

「估唔到毒男明都有朋友，斷估都係囡囡黎啦，真係羨慕死人～」呢個啊凌真係呢～話時話點解我又多左個新名...

「真係冇你地咁好氣啊～」

話題完左，我地都各有各返歸了，平時趁有時間既我都會去書局睇下書，但琴日嗰個身體好似保留到今日，同埋，夢入面既事都令我好亂，好想知道點解要同我講對唔住。但我真係太攰了，所以咩都唔諗，即刻返到屋企然後繼續訓覺。但係，唔知點解我覺得自己仲有樣好重要既野仲未做....