返下學,扮下工,終於都到左10月12日。我約左雯雯喺九龍塘地鐵站等先。

由於琴晚返完工,琴晚都比較攰,搞到今朝差點就起唔到身....🤦🏻‍♂️最後換左件黑T shirt加件牛仔褸,再加條藍色貼身牛仔褲,好快咁洗同gel左個頭就出門口。一向唔鍾意遲到既我好彩準時到,其實差一分鐘我就真係遲到...一落到去地鐵站,已經見到雯雯企左喺度。

我好認得佢既背影。因為佢著左之前我送俾佢嗰條無袖黑色連身裙,再配一對Addias superstar系列既黑白鞋。哇!條裙著落雯雯身上真係fit到呢~條裙就好似係為雯雯度身訂造咁,完全係啱身到冇野好講啊!遠處眼甘甘望左佢幾眼之後,我就走過去同雯雯會合。

「呢條裙,真係好襯你!我諗冇女仔可以著得靚過你啦,哈哈」我行過去look緊手機,未察覺到我既雯雯旁邊。

「你黎啦阿明><你唔好咁讚我啦,我會囂ga~」雯雯臉上稍微紅左少少。有點怕醜咁講。



「睇黎你都係一個鍾意早到既人喎~」我有點唔好意思咁講,始終要女仔等男仔唔係太好既。

「er....都算係啊~但你都係一個準時既人吖~」佢笑笑口咁同我講。

「ok,let's go!」雯雯興奮咁,對著我做左個v字手勢,我地就落去搭地鐵。

過去佐敦既車程途中,我地一路有講有笑。快樂既時光總係過得特別快。好快我地就轉埋地鐵,到左佐敦。途中一路覺得有人跟住我地....可能我既錯覺啦。

我地首先去左書局入面一早佈置好既攤位攞簽名牌,由於我地朝早11點半就已經去攞,而個簽書會成5點先開始...



「雯雯,我地買完本書都冇咩野做...」

「咁不如...陪我去一個地方?」

「去邊?」

「係一個....香港我最鍾意既地方。陣間你咪知~」

就係咁,我地就落返地鐵站。好好奇雯雯最鍾意既地方係邊呢~



我地先搭往荃灣線,呢個時候我仲係未估到會去邊。到荔景站既時候,雯雯捉住我隻手,拉左我出車廂。

「到啦?」我露出好奇又期待的神情問。

「唔好咁心急啦你,梗系未啦。轉車咋~」雯雯係咁笑我份人咁心急...唔通我同你講其實我只係期待你帶我去邊咩...

然後,到左九龍站,閘門一打開,雯雯就用啱啱笑我既表情同我講:「今次就真係到啦,心急明~~~😂」

我俾雯雯笑到臉都黃...🤦🏻‍♂️只不過,我好想一直咁樣開開心心落去。

「咩姐...我..我都係好奇咋嘛....🤢」我有少少扮嬲。

「係啦係啦,唔好唔開心,等姐姐呵返~哈哈哈哈哈哈😂」

「==」我露出一個無言以對既表情俾佢,而我都估到雯雯想帶我去邊啦。冇錯!就係海濱長廊!



我地冇租單車,慢慢咁行去苗圃公園,我地一路行,一路傾計,好快就到左1點鐘,亦到左苗圃公園吹風....

雯雯圖(我已經盡力搵最似...不喜勿插pls):https://holland.pk/2hqcjpb4