「我呢,最鍾意香港呢度啦,環境真係好舒服。」雯雯一邊閉上雙眼,感受海風,一邊輕鬆自如咁同我講。

「呢度真係好舒服,我有記憶既時候都黎過一次。但唔知點解行嗰條必經既天橋既時候,我都會變得好驚,無論上次定今次都一樣...」我都係行過黎公園既時候先定一定驚落黎...

「唔洗驚喎,如果你好想黎,搵我陪你黎,你咪冇咁驚lo~」同樣係合埋眼同我講。

「以前一唔開心,又或者好多野煩,我就會黎呢度吹下風。風迎面而來,成個人當堂鬆哂~」雯雯伸一伸個懶腰,好似解脫咁。

「我對呢個地方有一種又愛又恨既感覺。」



「點解呢?」

「唔知點解,呢個地方好似曾經比過愛同溫暖我,但佢又好似喺我身上奪走左一樣好重要既野。但我就係記唔起。」我一直係度諗究竟係咩,越諗就越煩惱,搞到好頭痛。

「好啦好啊,記唔起咪記唔起lo,冇咩大不了吖,你而家只需要活在當下就得。你唔得仲有我撐住你吖嘛!」雯雯好勉強咁搭住我膊頭,開解我。

「多謝你啊,雯雯。」

「傾下傾下都成3點啦!快D行啦,因間排隊尾就大獲啦!!」好心急既語氣。



「嗰頭先話我心急,呵呵~🤣」

「你係咪有不滿?☺️」真係既,咩都得罪得,就係唔好得罪女人...

我地以散步快少少速度,慢慢行返去九龍站。大約3點9左右,我地返返去佐敦。我地先買左杯starbucks,再去排隊。

我地開始排隊,當時前面已經有成大約25個人左右,都算前既~

等左成粒鐘,終於都開始活動啦!首先都係同作者互動之類既活動啦。到左大約5點9左右,終於到戲肉啦!不枉我地個幾鐘前就排~我地過左唔係太耐就可以簽名啦。



「老師你好!我係你忠實fans黎啊!」我同雯雯一齊上前,好興奮見到呢個40出頭既作家,不禁好激動~

「你好你好~女朋友仔啊?」佢望一望我隔離既雯雯,再問我。

「唔...唔係啊!我地朋友黎咋~」我同雯雯都變左個關公...🤦🏻‍♂️但又係異口同聲~

「年輕人,歲月唔等人,更何況係人呢~」老師一邊幫我地兩個簽名,一邊同我講。似乎係提醒我,但又好似係感嘆緊。

「係...係既,唔該老師。」接過書後,我地就走左出書局外面。

當時大約係6點10分,我見大家杯野都飲完,我就幫雯雯掉埋佢。

但前面個垃圾桶都要行15米左右,雯雯就企定等一等我。只不過係短短1分鐘都唔夠,我一行翻返去門口隔離,雯雯就唔見左...

我諗住雯雯應該係去左書局入面或者7仔買野姐~7仔,唔見。書店,又唔見!地鐵站,都唔見!我不斷咁跑入入唔同既店入面,但都係唔見雯雯!我即刻變得好驚好驚。而家剩返書店隔離再隔離嗰條走廊未搵。



「你唔好嚇我啊....雯雯!」

可惜,我最唔想發生,而且係最唔真實既橋段偏偏要發生喺我同佢身上....