我竟然鍾意左...！？: 第二十一章

當時我真係控制唔到自己，我將一切見到既情景所產生既憤怒都一拳一拳咁釋放出黎。

然後，當我打到隻死兵仔暈低左，我先稍微冷靜落黎。我諗都冇諗就即刻攬住雯雯。

我知道呢個時候講任何野都係不切實際，只有行動上先可以真正幫到有需要既人。所以我攬住雯雯既期間一句說話都冇講過。我深知，安全感先係雯雯而家最需要既野。

雖然唔知道攬住左佢幾耐，但應該都有5-6分鐘左右。唔知點解腦海裡經常諗起老師個一句。

「年輕人，歲月唔等人，更何況係人呢～」



「年輕人，有D野，你錯過左就真係錯過左啦，所以，遇到那個對的人，就唔好放手啦～」嗰一句可能係老師自己既感嘆，應該更加想話俾我聽呢樣野！

老師既話解答左我一直在糾結既問題。

根本「喜歡」定係「守護」唔重要！因為兩樣野本身都係出於「愛」。只要覺得哪一位係你不可缺少的人，哪一位係你希望守護的，就唔好放手！就係一個咁簡單既道理。所以我就同左雯雯表白，好彩成功左～

「唉！終於錄完口供啦！雯雯，去食野好唔好？」

雯雯只係好細聲咁「嗯...好」



其實從眼神上都睇到雯雯好冇精神...佢就好似失去左自己既靈魂，只剩下一個什麼都不是的身軀一樣。見到咁樣既雯雯，我真係好唔放心。所以我做左一個好大膽既決定..

「喂？」

「娜姐...我想問...今晚可唔可以俾我朋友借宿一宵？」我既害怕又認真咁問。

「啊....原因。比一個合理原因我。」可能娜姐聽到我既語氣並唔係玩玩下啦，稍微都較認真答我既問題。

「話說今日同一個朋友去書局啦...點知就.....所以我好唔放心佢...」作為「房主」既佢有權知道發生，所以就一五一十話俾娜姐聽。



「Good Job!終於變出pool明啦～」又變返輕佻mode...

「唔好玩啦！認真架...」

「係係係～」娜姐間接已經答應左。

「多謝娜姐！娜姐，你是最好der！❤️」賣口乖～

「雯雯，我真係好唔放心你，屋企入面仲有我堂家姐系度。不如你今晚黎我度住？等我地照顧你？」

「多謝你....」作為你既男朋友，守護你就係我既職責。

已經到左7點半，我帶左雯雯去一間韓國餐廳食野。

係因為娜姐啱啱喺電話講過：「拿明仔，唔好話我唔提你，女仔最中意就係將唔開心化成食慾啦。所以你因間帶個女仔去食好西啦～」



今次真係好彩有娜姐俾tips～我地2個人叫左成枱都野食，雯雯一開頭都唔係太想食，但見我食得津津有味，就開始食，最後仲大大淡，唔理儀態咁將枱上每一件炸雞放入口。

食完野，雯雯返左自己屋企執好過黎住既野。係佢屋企樓下等緊既我同佢一齊返我屋企。原來雯雯住又一居～難怪冇點見到佢啦。

「原來阿明你住文英樓，即係同我相反方向～」雯雯終於主動講野！睇黎食野呢招真係有用～

見到呢一刻，我感到倍感安慰，亦打從心底發出雯雯般既微笑起黎....

去到屋企門口，我禁一禁門鐘，打算俾娜姐親自見一見雯雯，點知一打開門，娜姐既反應同我預期既相差太大了。

娜姐一開門見到雯雯，先係一個驚訝既表情，然後又看似自嘲著自己咁自然自語，細細聲咁講左一句：

「原來要黎既，始終都係要黎。」.....