我竟然鍾意左...！？: 第二十二章

「咩野要黎始終要黎？」當時我梗系唔明啦，真係九唔搭八～

「冇～我既意思係，注...注定要出pool既明仔始終都有呢日既來臨姐～」

「誒，呢位咁靚女既一定就係你女友啦！要你硬食我地屋企既明仔真係唔好意思啦，哈哈。」娜姐變返我預期中既興奮mode，都唔知話好定唔好...

「你好，我叫張雯雯，你可以叫我雯雯就ok啦。」企我隔離既雯雯勉強露出笑容，向娜姐介紹自己。唔知算唔算見家長呢～

「咁你叫我娜姐啦！😄」



大家介紹左之後，我覺得，自己完全失去存在感....因為一入到屋，兩個女人既話題多到呢....🤦🏻‍♂️

哇咁快佢地已經好似變左做屋企人咁，我真係有一刻懷疑自己係咪娜姐屋企人...就連我都唔知娜姐原來都有睇書！但雯雯同娜姐識左唔夠1個鐘就知道左...！

但冇得唔承認，娜姐打開話題之後，雯雯個人有返少少精神，仲要有返點笑容，睇黎雯雯好快就會冇事啦～😌

「哇雯雯你都幾大喎～有冇d啊？」哇我究竟聽到咩...

「喂娜姐好心你唔好問雯雯呢D野啦...仲要喺張沙發度痴埋一舊...」佢地已經變左好姊妹，都好既～



「D！哈哈🤣」哇雯雯你又真係陪佢顛..原來雯雯比我感覺上仲大！

「唔理你地啦，沖涼先。」

娜姐同雯雯一齊訓，而我沖完涼就返入房訓啦。今日發生左咁多野，我都攰啦...

「對唔住...對唔住...」坐我隔離既女仔一路同我講對唔住。

「究竟咩事啊...?」我好溫柔咁問佢。



「係我...係我搞到你要死...」個女仔斷斷續續咁講。

「你咪玩啦～我活生生喺度喎！」我笑笑口咁同佢講。

「我認真啊！對唔住...一日都係我....」個女仔又開始流淚。

「咁即係....我係天使？」我好認真咁問個女仔，因為佢完全唔似講笑。

「嗯...」

「陳啟明...陳啟明！」

我又從睡夢中醒過來。我個人好似冇咩力咁。摸一摸自己個額頭，哇！成手都係汗！

我打開房門出廳，見雯雯同娜姐都眼甘甘望著我。



「你做咩臉青青咁啊？」雯雯掛住一臉擔心既表情問我。

「你咋咋臨探一探熱啦，你面色真係唔太好！」連娜姐都好認真咁講。

我探一探，哇！成40度....我都好耐冇發過高燒啦..

「成40度喎～唔怪得個人好似冇咩力啦～😅」

「你仲好似冇野咁！我命令你快快趣趣返房休息！今日等我地照顧你，唔好再周圍走啦！😤」

我都係第一次見雯雯為我而嬲，但係我當然知道，佢係因為擔心我啦～我唔想佢擔心，都乖乖咁留左喺房一日....

(唔好意思啊呢排都比較忙，所以更得有點慢～)