我竟然鍾意左...！？: 第二十五章

「我地到啦，你喺邊？」

「行緊過黎，等我一陣～」

過左大約5分鐘左右，Samantha都到左。我地約左喺一間食泰國菜既餐廳食。

「hi阿明，仲有雯雯～」佢對雯雯既語氣明顯唔同左。

「hi～Samantha」雯雯都用左好友善既語氣回應。



我地叫完野食之後，我終於開口問問Samantha究竟發生咩事。

「其實今日係我生日，雖然我咁樣做真係好自私，但我真係好想有人陪....」睇到Samantha充滿住歉意。

「唔緊要啦～反正你當我同阿明係你既朋友咪得lo～」雯雯竟然會主動安慰Samantha。

「多謝你地啊！」雖然唔明顯，但我見到Samantha稍微收住眼淚流落臉上，其實佢應該都好感動。

「我好明白你，因為我知道你同我以前既苦楚一模一樣。」雯雯似乎係同情，亦都帶著感觸。



「嗯...」

「即係點？」我多口問左句。

「同你講你都唔會明啦！」兩個人就好似一瞬間變左姊妹，連講既野都一樣...

快樂既時光過得特別快。我地有講有笑，剩返甜品未食。

「阿明，雯雯，有樣野係時候物歸原主啦～」呢個時候，Samantha好小心咁喺袋度攞出一張相出黎。



Samantha將張相放喺我同雯雯面前，第一眼望落去其實無咩特別

「wtf！！！！」再仔細望一望，我同雯雯都嚇左一嚇！

相入面既背景好熟悉，但一時之間諗唔起。仔細再睇睇一條條柱既物體，先發現相入面既背景咪就係海濱長廊lo～

而焦點應該係一對坐左系櫈既情侶，個女仔挨左喺男朋友既膊頭，雙方拖實大家既手，合上雙眼，而唔係望住鏡頭，而且頭髮都被吹起，應該係感受緊海風。

但呢D通通唔係重點！再望望右下角既日期，當時係2013年12月25日，即係聖誕節。當時我應該係中4，而我失憶後醒返既時間係.....2013年12月28日。

雖然唔係太清楚，但係仔細望一望就已經認得出，相入面既嗰對情侶，正正就係我同雯雯....

「即係話，我同雯雯一早就相識？」

「但點解一開始雯雯好似唔識我咁？」



「即係話，嗰種熟悉又陌生既感覺就係因為我地以前就識而產生出黎？」

「即係話，又愛又恨既感覺源於呢一日？」

種種既問題衍生出黎，問題一個接一個，我個頭真係就爆....

「冇事架阿明。冷靜D～Samantha攞得張相出黎就預左解答我地一部分既問題啦～」

「嗯...多謝你提醒我😊」呢個時候雯雯仲可以咁冷靜，唔似得心急既我，好彩有你喺度....

而我都冷靜起黎，我諗好多答案都能夠透過張相為我解答，最後我得出左一個提問。

「Samantha....點解你會有呢張相？你係咪由以前開始就同我地有關係？」.....