我竟然鍾意左...！？: 第二十八章

阿明受到現實既打擊之後，從銀包中拿出3張100蚊放喺枱面，咩問題都冇再問。一臉失望既阿明連say goodbye都冇，攞埋張相就好快咁走左出餐廳門口.....

身在這個世界，卻不是生在這個世界。阿明既瞳孔中充滿住迷茫。

短短一段行去搭小巴既路，但那路途對此刻的阿明來說非常之苦，非常之漫長。

佢就好似一個失去左目標，再搵唔返目標既男孩，每向前行出一步，命運就好似推進了一步。

「我所嚮往同雯雯一齊行到幸福既終點呢條路，係咪已經冇可能喺我身上發生....？」阿明不斷咁返問自己同一個問題。視線被淚水害得模糊，加上夜晚既燈光，阿明既視線已經完全被打散....



呢一刻，身份與雯雯唔係對等。曾經幻想，打算同雯雯行同一條路，但係幻想同事實永遠不成正比。一下子就被Samantha講出既事實打破。「一位都冇」呢四隻字一直徘徊在阿明既耳邊。加上相中證明左以前已經識雯雯，好有可能已經為過雯雯捨命。同時告訴著阿明：

「命運一直如常執行著，迎接我既，只係下一次既捨命，死亡。」

自那天起，阿明再冇見過雯雯。無論打電話，定喺附近周圍搵，雯雯呢個人就好似唔存在咁，完全消失在阿明既生活中。

約兩個月後，阿明都係搵唔到雯雯。但嗰一顆思念之心仍然存在。呢顆心驅使阿明每日都寫信寄去雯雯屋企，只可惜雯雯呢排已經冇住喺嗰度....

今日，阿明如常抱有一絲希望，寫信俾雯雯。



我最愛既傻妹：
          雯雯，我諗你應該睇過好多封呢D信啦～但係，無論我既命運點都好，我答應過會守護你架傻妹～我地講好左架喎，要一齊走到幸福站，幸福既終點，你點可以違背我地之間既承諾架～唔好再玩啦傻妹，我真係掛住你架，你返黎啦....
   二零一九年二月十日                                                                              阿明

即使每次阿明都帶著笑容去寫呢封信，但都會好例牌咁，不自覺咁連同自己既淚水一同寄出。

但當阿明將信寫完，睇一陣手機既時候，卻燃起左阿明既好奇心。

————————————————————————————————————————————————————————————————
當我睇緊手機既時候，卻睇到一個關於忘記將物品放系邊既訪問。



其中一個受訪者講到：「平時成日都會無記得自己將D野放左系邊，但往往都只係遠在天邊，卻近在眼前。可能只係放左系房之類啊～哈哈。」

只係一句好簡單既回答，但頓時提起我好似忘記左一個人！

仲好記得臨走既時候，Samantha同我講左最後一句：

「當你再有決心接受現實，希望知道更多既時候，不妨去問下嗰位監察你既使者啊～」

監察我既使者....

然後，我又從「使者」呢兩隻字諗起個女講既一句：

「監察你既使者，一直都在你身邊。」(23章)



一直在我身邊....

再加上受訪者既一句，令我發現自己究竟睇漏左乜：

「遠在天邊，卻近在眼前。」

睇黎我真係忘記左一個人——娜姐.....