我竟然鍾意左...！？: 第二十九章

可惜，娜姐今日唔系屋企，要等聽日翻學先可以見到佢。

漫長既一日最後被腦海裡揮之不去既回憶捱過左。恐怕係今日要問娜姐既緣故，緊張既心情令我6點鐘就自然地起左身。我見仲有時間，就落左街行下。
——————————————————————————————————————————————————————————————————
我已經面對唔到阿明，我唔想俾自己有機會再害阿明多次。作為最好既解決方法，就係離開香港。

由於發現自己漏左樣好重要既野——黑色連身裙

呢一條，係阿明送俾我既第一條裙。所以無論如何，我都要帶走。



我費事撞到阿明，我6點鐘左右就已經去到九龍塘，翻到屋企前睇睇信箱，只見成堆信喺度，估都估到係阿明寫～

我將信攞返上屋一一拆開，全部都係叫我唔好走，我都想！但我唔想有傷害你既可能發生啊傻豬！

「唔係唔係！其實係我覺得條裙好襯你姐，只要你鍾意就得。你唔好拒絕我啦....」

「估唔到我地既口味咁似！哈哈」

「放心，沒事了」



「甜筒特價喎～芒果味啱唔啱？我請」

「雯雯....你嚇死我啦！」

「雯雯，好多謝你....」

我一邊睇信，回憶就一路在我腦海徘徊。阿明啊，唔知由幾時開始，我一早就已經認定左你。係你俾左希望我，係你令我明白，愛的確存在.....

阿明啊，其實，我仲好想同你一齊睇書，一齊經歷一切喜怒哀樂，一齊食雪糕，一齊訓覺，一齊....行埋呢條路！但係，對唔住。從此消失於你既世界，就係我一份唯一可以....回饋返比你既最大禮物。



阿明：
對不起，我背棄了承諾，我只能夠以離開表示自己有幾愛你。希望忘記我後，你能夠找到一位比我更好的伴侶。就當我最後一個請求，希望聽日可以喺嗰度再見多你一次.....
                                                                                                                                                      雯雯
最後，我擦乾湧出的眼淚，提起筆，將道別寫在信上，放入佢既信箱。

我攞埋條裙，就走去阿明屋企，將信放喺佢既信箱。我唔敢行得太快，因為我知道，今次可能係我最後一次行呢條路。慢慢感受下呢度比我既一切，將佢壓縮喺心裡面...

突然，一股強風從我身後進攻過來，把我手上攞住既信向前吹走，我立即加快腳步攞返封信。

「小姐，你跌.....」一位身穿白色T-shirt加條黑色長身運動褲既男仔烏低左身，幫我執起封信。

「啊....」我講都未講完，阿明就已經緊緊攬住我。

「你知唔知我等左你幾耐啊！？」阿明一路攬住我，一路大聲痛哭。



我咩都冇講，係因為我唔知應該講咩好。最後，我咩都冇講，推開左阿明，忍住眼淚就咁走左。

——————————————————————————————————————————————————————————————————
眼見住雯雯離眼前越來越遠，我雙腳完全冇動起來.....我攞住雯雯嗰封信返返屋企。當我睇完封信之後，我更加想問娜姐。究竟有咩理由，要逼到雯雯非走不可咁啊！......

然後，一切又變返平時咁，當啊凌，啊天同娜姐都到齊，我地就一齊食飯。

「娜姐，我有野想問你。出一出去好唔好？」食完飯之後，我已經迫不及待，直接開口。

「好，但等我一陣。」

「啊凌啊天，你地不如講下雯雯呢個女仔吖。」佢地都知道我同雯雯拍拖呢件事，但似乎講既野唔係咁簡單。

「你個衰仔！人地咁鬼死好，你都可以唔記得人既！？」啊凌一黎就怪我。



「啱啊！」就連啊天都點嗮頭咁，好認同啊凌。

「究竟發生咩事？」

「當你發生意外，如果唔係雯雯，你一早就死鬼左啦！」今次係我第一次見到啊凌咁認真既臉孔同埋咁堅定既眼神....

「你仲要唔記得左佢添！啊嫂佢以前仲好關照我地架！但你就連少少既記憶都冇！你話你係咪衰仔吖！？」就連啊天都咁樣話我。

「而家可以出黎啦，阿明，睇你個樣，都估到你係唔會咁易就放棄佢架啦～就等我一五一十話你聽啦～」娜姐就好似識得讀心咁，一早已經睇透左我既心意。

「嗯....多謝你，娜姐。」

天意弄人，往往就係嗰種大家都仲鍾意大家，但見到面都已經唔可以一齊既痛苦滋味.....