我竟然鍾意左...！？: 完
「娜姐...即係呢....你其實真係幾靚女架喎～」
雖然娜姐從來唔會化妝，但臉色已經好紅潤。加上五官又唔差，連身材都keep得唔錯添！
「以前，你都係咁樣讃我～哈哈」
「之後嗰1個禮拜，每晚既夢入面都有呢吧聲音同我講使者既職責同埋禁忌。」
「咁點解....佢地會話我衰仔？」我不解。
「因為，好多野都被篡改。就好似我地4條友咁，本身只係你地3兄弟，但而家就改成4兄弟。」
事情看似唔好，但對娜姐黎講，可能係一件開心既事。比我揀，我會揀而家呢個組合既生活。
「就連我鍾意你既感覺....都被篡改...」唯獨娜姐講到呢點，雙眼已經開始眼濕濕地...
「娜姐....唔緊要架。我理得你係唔係使者，總之記住，你而家係我要守護既家人，一世都係！」
我即刻攬住左娜姐，今次係我第一次攬住佢...呢一刻我明白，無論件事係點，佢都係我既屋企人！
「阿明，多謝你，希望你會獲得幸福！」
「雖然幸福兩字對你黎講好遙遠，但我相信，你可以。」
時間好唔正常咁過，呢一日比平時過得特別快.....然後，終於到左去「老地方」呢一日。
今次，可能係我同你最後一次見面...
你要受既痛苦，接下來等我幫你承受啦....
唔需要問我點解知邊度係老地方，因為我地一有唔開心，就會去嗰度。從此就變左我地既老地方～
而家先至7點鐘，我已經到左。
「你黎左拿？」雯雯坐左系張雙人長椅上閉上雙眼感受海風，旁邊既位就為我而設～
海風迎面而來，從她的身後飄來一陣陣玫瑰既頭髮香味。然後，我靜靜左喺佢既旁邊，閉上雙眼，一同感受海風。
「啱啱驚唔驚啊？」出自佢口中既第一句，竟然係一句出於擔心既問候....
「驚架，」
「但我更加驚你唔喺我身邊。」
「等我因間同你克服佢啦！哈哈」
「可唔可以唔去克服？」
「下....點解？」
呢個時候雯雯張開雙眼，用雙手將我個頭面向住佢，然後眼甘甘望實我。
「因為...咁我就有藉口去留住你。」
我個副樂觀面對既表情已經顯露唔到，因為我真係好唔捨得你！
「我地邊行邊講啦。」雯雯既情緒都被我感染左......
「雯雯，我明架！」全程都冇講過野，直到天橋，我停低腳步。
「你明咩啊！」雯雯都停低左，但背對住我。
「我知道，你覺得自己害左我，所以先走係咪？」
「唔係咁架....」
「無關你事架，你見我而家冇穿冇爛，我地可以繼續過呢種快....」
「唔係啊！」雯雯用盡全力大叫一句，一擊將我打斷...
「對唔住...對唔住...係我害死你...」
雯雯面向住我，先烏低左個身，然後膝頭落地，跪坐喺度。然後，一直咁喊.....一直咁喊....
正當我行過去，我又被一句「你咪過黎...！」秒左。
「唔係咁架阿明....我，係一隻魔鬼，當初接近你，只係為左攞你條命咋！因為，當兩位天使為我捨命之後....我就可以做人！而呢個就係我既任務！」
「只係點估都估唔到....我兩次都想殺你，點知我竟然鍾意左你！竟然鍾意一個我殺過既人....我都好痛苦架！」
「我地魔鬼連愛都唔識！我好想愛你！只係....我根本就唔知點先叫做愛你啊!」
「每次你咁愛我，我就淨係識得用甜言蜜語....我個心有幾難受，有幾辛苦，你根本就唔會明白！」
呢一刻，世界好似停住左，我既腦袋已經....
理性？冷靜？通通消失於世界.....但係，就連一句，就連一句我都講唔出口....
我夠知道唔挽留，佢一定會走。但咁又點？我根本就講唔出「唔緊要架」之類既說話....
「冇架啦，真係要走架啦，只係...我可唔可以求你一件事？」雯雯企返起身，我心裡總係有種心痛既感覺。
「係咩....?」我地既情緒就好似互相傳染咁，我地既淚水已經用唔到「滴」黎形容....
「記住，唔好再因為我而傷害自己，我唔配....」
我終於知道夢入面究竟係邊個....
「算啦，呢個唔係求，係命令。希望你將我地經歷過既都收喺心入面～再見啦，陳啟明。」
雯雯收起淚水，用佢既招牌笑容黎道別。然後就轉身離開....
「對唔住....張雯雯。」
「每次你叫我答應既我都應承，但呢樣野，我絕對唔會答應！」
「你要受既痛苦，接下來等我幫你承受啦。」我以微笑答道，同時，我抓緊旁邊既欄杆，做好預備動作。
「其實，你已經做得好好，你已經好愛我架啦傻妹～」
「唔好既係我，我應該早D發現你既唔開心～」
雯雯立即回頭，打算阻止我，可惜太遲了.....
今次真係我地最後一次見面啦～你係魔鬼，有咩問題？魔鬼就唔可以係我最愛既女人咩？既然命運要我地其中一方贏，一方輸，就等我黎成全你贏啦.....無論點，張雯雯，你永遠都會係我最愛既女人....
仲有....對唔住，娜姐.....但係，所謂幸福既定義對每個人黎講都唔同....對我黎講，只要令雯雯幸福，咁就我會幸福。
「死就死啦陳啟明！3....」
張雯雯，你要記住....
「2....」
無論你點對我都好，只要你得到幸福快樂.....
「1.....」
就算死，我都唔會介意。
「0....」
其實，你早已成為我既天使....
雯雯，我愛你，再見了。
我竟然鍾意左...!?
全文完