「係咪真係食得㗎?」
我疑惑地看著那粒糖果,這粒糖果是黃色的,顏色清澈,外形圓圓, 猶如在街上購買到的檸檬糖。

「有冇毒㗎?」我不安地看著這粒糖果,心裏超級唔想食,但係如果張邀請函所講係真的,咁我一定要食先可以有番以前的回憶。講真啦,失憶嘅感覺真係好差,又唔記得之前做過啲咩,又唔記得暈倒之前發生咩事,就連自己個名都唔記得……

反正我都身處喺一個咁奇怪嘅地方,如果想走,真係咩都試下……
「Diu!蝦餃就蝦餃,燒賣就燒賣啦!」唔知係咪因為講咗粗口壯膽,我竟然好勇敢地將粒糖放落口裏面慢慢咀嚼。

1……2……3……



「咩事都冇喎?唔係應該會有返記憶㗎咩?點解……呀!」正當我抱怨時,我個頭突然之間超級痛,痛到我雙腳一時支撐唔住,跪低在地上掙扎。我攤開雙眼,突然間眼前一片白色,有很多景象不斷在眼前浮現…………

-------------------------------------------------------------------------------------
「嘩!你真係一個化學天才呀!第時想做醫生一定冇難度……」同學嘅稱讚,我已經聽到感到乏味。

「化學學科獎第一名、物理學科獎第二名、生物學課程第一名……」 司儀的宣佈,公佈出我嘅榮耀

「阿仔,將來一定要做一個好醫生呀!唔好令我哋失望。」 父母的期望,為我鋪好了前路

「我想做醫生,因為我父親和爺爺都係醫生……」 我的志願,又真是我的志願嗎?



「你嘅實習表現非常之好,好快可以轉做全職!」前輩對我嘅鼓勵,卻讓我感到更加疲憊。

「麻煩曬你喇醫生,靠曬你喇!」 病人嘅生命,讓我的膊頭變重……

「醫生!醫生!依家應該點呀!醫生……醫生……」護士長嘅呼叫漸漸收細……

「起身啦……」有一把低沉的聲音在呼叫我
--------------------------------------------------------------------------------------
已有 0 人追稿