簡介

本文章含有恐怖的感覺 孕婦、年長者及心臟疾病的讀者 請斟酌觀賞



呢件事發生係我中一既時候。
是咁的,果一年小六剛畢業升上中學一年級,由於讀書成績未如理想,因此入咗一間學校風氣較差的男校。
除此之外就連所有老師、職員、校工都係男人。
呢間學校的設計為對稱式建築,每一層兩側分別都有一個廁所,總共為兩層。
地下的廁所供學生所使用,而二樓的廁所供學校職員所使用。
地下的設計為一個足球場,連埋籃球設施,供學生踢波、打波所用。
但係有一點會令人覺得莫名其妙,就是一到夜晚校方就會要求只可以使用同一邊的廁所,另一邊的廁所,嚴格禁止使用。
如果同學問起老師,老師會話方便校工做清潔作為理由先有呢個規定,於是乎就開始有謠言傳出,可能之前發生咗一啲事。
甚至乎聽聞有一格廁格,被用封條及黑色塑膠袋緊緊地封咗起嚟,而且當年的廁所為蹲式馬桶。
係課外活動方面,我選擇咗加入足球隊,仲記得係足球隊訓練第一晚既時候。


係球隊訓練放休息的期間,我突然感到肚痛,而且果種痛既程度一定要去廁所解決,而咁岩撞正廁所裡面係一班出名鐘意搞事既壞學生係度圍埋食緊煙。
係陰錯陽差的情況下,因為真係好急又好肚痛,我決定走去另一邊廁所,而發生左呢段令人難以理解的回憶。
正當我好急咁衝咗入去另一邊廁所其中一格廁格的時候,忽然聽到隔離右邊格廁格傳出拉廁紙的聲音。
我心唸:【原來隔離都有人同我一樣上緊廁所,可能係因為有人食煙既關係,先逼不得已啦。】
下一秒,心裏覺得唔對路!我心唸:【點解有喊聲既!】呢個時候先意識到一件令人費解的事情而發生。
我心唸:【咪住!我右邊果格廁格乜唔係被封條及黑色塑膠袋封起咗咩!?】
我嚇到即刻去嘗試打開度廁所門試圖衝出去,想離開現場。
我大嗌【點解度門打唔開架!】我好驚好想衝出呢個廁所,但發現度門已經卡死左。
係昏暗既燈光伴隨著一旁詭異的哭泣聲與沖水馬桶聲,我不停咁大嗌【開門啊!】最後我昏迷咗。
【點解會有呢種事情發生?】


【出咗意外既話,你地邊個負責?】
【醫生,病人的情況而家點?】足球教練問
【佢只係精神上仲有點恍惚,大概係受驚過度而引致。】醫生說
【睇下你地做既好事!】
【如果新人出事,唔單止你地有事,身為教練既我都會瀨野,你地知唔知個嚴重性?】足球教練說
到咗第二朝,我係醫院醒左,係咗係張床上面。
我床邊圍繞住好多人,除左足球教練之外仲有當晚食煙既果班壞學生在場。
突然一瞬間,班壞學生向我鞠躬並且說:【對唔住。】
呢個突如其來既舉動,令我當下的反應即刻呆左。
壞學生們說:【係我地開玩笑開大咗,對唔住。果日我地特登令你難堪去另一邊廁所,扮鬼嚇你只係想同你開下玩笑。】


我心唸:【咩話?原來果晚既景象,都係人為捏造出黎既?】
我好嬲,呢個所謂既玩笑,差啲令我成個人徹底地崩潰。
就連平時溫柔說話既教練,突然間都好火爆咁當場鬧班壞學生。
【講笑?好好笑呀而家?!
你地知唔知!開呢種玩笑隨時會搞出人命架!】
直到而家呢一刻我都無忘記過,當時教練咬牙切齒的超級憤怒樣。
惡作劇之後,班壞學生一個個被處分,教練亦因為呢件事情而離開咗呢間學校,而我亦離開咗足球隊,並且父母得知後幫我安排轉校。
想我係呢件事情上,隨著時間而沖淡,撫平傷痛先。
正當我以為呢件事情完結咗既時候,突然一日係街度撞返其中一個足球隊既壞學生。
從佢口中先得知,果晚我係廁所發生果件事情的真相,其實教練並唔係辭職,而係衰強迫學生提出偽證被開除。
我當場嚇一跳心唸:【...偽證!?】
【其實出事果晚,我地成班人根本就係度食緊煙,完全無踏入過另一邊的廁所。】壞學生說
我:【咩...咩話!?】
【我地根本無入過去。】壞學生突然面色沉重地說
我:【有咩可能呀?】
【我地其實當晚係比教練捉到係廁所偷食煙為理由,而強迫我地作出咗偽證。】


【聽講,當初教練仲係呢間學校做球員既時候,曾經夾埋一班同隊球員咁樣惡整過新人,後黎果個被惡整既新人因為太害怕而失足跌穿咗個頭部,而導致流血不止,最終失救,就係果格被封起咗既廁格裡面發生。】壞學生說

已有 0 人追稿