阿政係番屋企既途中,見到有唔同既生還者亦都有喪屍追住,而且街上面都有唔同既斷肢和內臟,有D就比喪屍食緊,有D就遺留係地下。再上斜之後就見到啟田街市,平時熱熱鬧鬧,E加都變成空無一人,就好似死城咁樣。
 番到阿政屋企樓下,阿政同左魏SIR道別,魏SIR就話佢要番去搵佢老婆同個女。於是,阿政就攞起把刀落左車,阿政向住大堂方向出發,以為會順利上到樓。點知大堂個實Q變左喪屍,不過佢有一隻腳已經比人食左。阿政打完密碼後,聽到請進,佢就好小心咁開左門,跟住攞起把刀將佢個頭一分為二,D血就濺到阿政身上。之後,阿政就搭電梯番左屋企。
 拍,拍,拍。阿政敲佢屋企門,之後阿政既阿媽就開左門,佢即刻問阿政有冇比野咬,阿政就答佢冇。之後,阿政就同佢屋企人講番佢係學校發生既事,同咪教佢地應該點樣對付喪屍。
 2018年9月10日,由於阿政屋企已經得番好少糧食,所以佢就決定要外出搵物資,佢認為第一步應該要清空佢住緊既嗰一層(24樓)。所以,阿政就連同佢阿爸攞齊武器同爆門工具就出左門。阿政第一個目標就係佢對面陳生嗰一戶,佢地首先撳門鐘,撳完之後冇人應,於是佢地就爆開個鎖入左屋。開門之後,阿政見到入便好混亂,之後聽到房入面有聲,於是佢即刻走入去,入到去之後,佢見到已經被咬既陳生同已經變成喪屍既陳太,不過陳太已經被了結左。阿政見到陳生奄奄一息時,陳生同阿政講嗰係幾個鐘之前,佢地睇到新聞話街上有喪屍,於是佢老婆就好驚,即刻入廚房攞刀,但佢老婆行出廚房既時候唔小心跌倒,把刀插左落心口,佢堅持左一陣就死左。係佢坐係到傷心既時候,佢老婆突然企番起身,佢嚇到冇反應,跟住佢老婆撲過去咬佢條頸,呢個時候,佢就將插係佢老婆心口把刀攞出黎插佢個頭,佢老婆就瞓番低唔郁。佢再同我講話D人死左之後都會好似陳太咁樣變成喪屍,即使你係跳樓死或者病死。聽完之後,阿政就問陳生有咩想佢幫手,陳生就話佢知自己會變喪屍,不過唔洗理佢,佢會趁佢仲有意識之前跳落樓。陳生仲話呢間屋既糧食,刀同工具比哂阿政,於是同陳生講左一聲多謝之後就攞走所有糧食同工具番屋企。
已有 0 人追稿