阿政將陳生比既物資放係屋企之後,阿政就再出去清空其他門戶,去到另一戶,阿政就撳門鐘,過左一陣,有個阿婆開左門問"你地搵邊位啊'之後阿政就問佢知唔知出面發生咩事,阿婆話唔知,於是阿政就叫阿婆開電視,阿婆睇到新聞報導關於喪屍既事之後,即該同佢老公講,之後佢老公就話多謝阿政既通知。阿政就話"阿伯,唔洗客氣"之後阿伯就話"你可以叫我張伯,而呢個阿婆就係我老婆,你可以叫佢張婆婆"聽完之後,阿政就叫佢地自己小心D,有咩事可以去12室叫佢。講完之後,阿政就同佢阿爸繼續清理門戶。
  清理好成層之後,阿政都搵到唔少既物資,例如有大量既水同食物,仲有唔同既刀具。另外,阿政除左搵到張伯同張婆婆兩個生還者之外,佢亦都搵到八個生還者,包括瘦過碌竹既既Ben同佢老婆Mary,年紀同阿政差唔多既Lucas同佢既阿爸阿媽,仲有陳師奶同佢健碩既老公陳生,最後就係獨居既黃生。阿政因應佢地既需求而分配物資比佢地,分完之後,剩低一半既物資留比自己。
  分配完之後,阿政就約哂全層人出黎討論,阿政就同所有人解釋番出面發生既事,陳師奶就好驚有人或者喪屍會係防火門入黎,於是,阿政就叫Lucas同陳生一齊攞野頂住道門,係需要既時候先搬開。之後,全部人就安安全全咁樣係呢一層生活,每家每戶都好好地生活,間中會約下其他人一齊食飯,而阿政都同佢年紀差唔多既Lucas成為左好朋友,好多時候都會一齊傾下挽下。
  
 
已有 0 人追稿