2018年9月20日,24樓既人都係安安全全。不過,呢一日就發生左D事。
  Mary係佢屋企就同佢老公Ben講"有咩理由我地分得嗰咁少野,仲要係條死靚仔分,你話有冇攪錯"阿Ben聽到之後都覺得有D唔抵,於是佢就密謀搶走成層既野同趕走呢一層既人。
  一個月後,阿政已經清空左二十樓至廿六樓,佢都再揾到唔少既生還者同物資,不過,其中一個生還者係一個BB,而佢就缺乏奶粉。於是,阿政就決定要幫佢搵奶粉,就叫左Lucas,Lucas阿爸同陳生一齊落去超級市場揾奶粉。
  如是者,佢地就搭電梯落街去。阿政佢地就係大街上面行去惠康,係路上,佢地見到有好多車停左係路上,大部分都冇人,只有少數既車有喪屍係上面。之後,阿政見到有一架警車,不過比幾隻喪屍圍住,但阿政都諗住去睇下有冇槍之類既武器。阿政同佢既伙伴將門外既喪屍搞掂之後,就打開車門,之後發現裡面有一個警察生還,就救左佢出黎。警察先生就多謝阿政救左佢":多謝你啊,我叫做阿豪"之後阿政佢地就逐一介紹番自己,然後阿政就問阿豪佢有冇槍,於是阿豪就話佢係差館攞左一批槍,例如有手槍點三八同衝鋒槍MP5.阿政就邀請阿豪同佢地一齊去揾奶粉同物資。
  去到超市之後,Lucas同佢阿爸仲有陳生就分頭去揾物資,而阿政就同阿豪傾左幾句。"你可唔可以教我用槍"阿政問阿豪。阿豪見呢個時勢學槍好重要,於是佢就教左阿政點樣用槍,同比左比手槍阿政旁身。過左半個鐘之後,佢地每個人都攞齊要攞既野,之後阿政就叫阿豪番去佢地座樓住住先,阿豪就答應左。
  眾人行出惠康之後,發現番去條路有好多喪屍,起碼有廿隻,每隻喪屍都因為阿政佢地發出既聲響而吸引。之後,喪屍行得雖慢,但都愈來愈近。阿政見後無退路,於是就決定同喪屍死過。阿政同阿豪就將佢地既槍上膛,而其他人就攞起刀準備殺出條路。
  
已有 0 人追稿