Lucas爸死左之後既另一日早上,廿四樓寧靜得恐怖,而Lucas仍然為阿爸既死感到十分傷心,將自己鎖係房。然而,天意要弄人,點都要死忍。
  Lucas瞓係自己張床上面回憶住阿爸同佢玩既片段,突然,阿政爆門入左黎話Lucas媽落左樓,Lucas即刻起身,攞齊武器救Lucas媽,阿豪同陳生都有一齊去。眾人搭lip既時候,都有一分恐懼,因為佢地唔知Lucas媽會點樣,如果Lucas媽有咩事,Lucas又會點樣。
  落到地下之後,佢地發現完全唔見喪屍既蹤影,阿政就覺得一定唔係好事。之後,佢地四圍搵,發現有一班喪屍係公園裡面,於是,眾人就逐一將喪屍擊倒,數量有二十幾隻多,一番攻擊之後,公園屍橫片野。突然,地下有一條屍體慢慢企左起身,佢兩隻手都被槍打斷左,此時,阿政覺得件衣著好熟口面,但佢唔夠膽出聲。不過其他人都唔知,因為得阿政睇住Lucas媽落樓。
  隻喪屍慢慢咁另轉面,但阿政靈機一動,開槍打爆左隻喪屍個頭,血和腦漿四濺。之後,眾人就繼續搵,搵到天黑都係搵唔到,於是眾人就番上樓,Lucas就傷心到呆左。自此,Lucas既性格變得孤僻。
已有 0 人追稿