你地好呀! 我叫阿濤呀 依個故事就係發生係我中四個年。
咁暑假之後,大家都好恨返學,而我都有一個死黨叫阿佑,暑假都KEEP住電話聯絡
係9月1號開始之前,大家都會幻想今年會有咩特別事發生呢?
個時既我只係一個識打機,讀書中規中距既中學生,連提電話都冇既中學生,得過且過類
友情,愛情,事業(讀書)究竟會有咩突破呢?
到左9月1日,我緊係係操場搵返我個死黨阿佑先啦。
「型啦,唔識人啦而家。」阿佑慣性講出我地2個既口頭禪。
「頂你,收啦,暑假做左咩黎。」我回應左佢
「又係個D啦都係,點呀你仲未有電話呀?咁樣你好快冇哂D朋友架啦」阿佑恥笑我。
 我都醒覺起來,決心買部新電話


 阿佑其實拍過2次拖,都識好多朋友,我就係靠佢一直同中三既舊同學保持聯絡。仲有我地上年都係足球隊成員(下幾章會講校隊選拔)
咁今年因為分班,我就編左4B班,係眾多階生面貌底下,唯獨一個女生吸引了我注意,佢皮膚都好白,有一對大眼,中長黑頭髮。咁因為我仲係小毒撚,未夠膽去識佢。
咁開始升旗禮,我地排好哂隊,完左升旗禮,就上返課室,阿佑排我後面
咁行行下樓梯,個個女仔突然同我SAY HI。
「 HELLO, 我叫阿怡呀,你叫咩名呀」佢用溫柔聲線同我講
「ER......我叫阿濤呀,係呢,你好呀..」我面都紅哂咁答佢,
跟住聽到後面2個男仔既笑聲,似乎係佢既2個好朋友。當然阿怡話哂都係女仔,唔會咁主動.HI完我就走。
返到課室,咁我同阿佑當然想坐埋一齊啦,但係座位要班主任編。今年個班主任係女人黎,咁佢就編位啦。
阿怡你就坐係阿濤側邊啦。
我震驚左一下,個身震左震,可能我小毒撚唔慣同女仔坐。


「HI,阿濤好開心識到你。」阿怡用甜美既笑容同我笑左笑。
我依D未拍過拖既小毒撚,腦海浮現拍拖依2個字。
愛情到底係咩呢?會發生係我身上嗎?
「你好呀,好開心識到你,係呢你有冇手提電話。」我好自然咁講左一句。
「有呀,96759029,add我電話。」阿怡好活潑咁望左一望我。
 雖然我冇電話,但係我都拿筆寫低左。
好啦,我心裡振奮咁同自己講,我星期六要買電話。
就係咁傾左一陣,阿怡就伏低訓左覺。

 
已有 0 人追稿