咁星期六,我約左阿佑去大埔廣場睇電話。
阿佑著左黃色卡期褲,著左一件黑色FINGERBROXX T恤。
到左11:30
阿佑到左門口了。
「點呀濤哥,想買電話溝女呀!?」阿佑陰陰嘴對住我笑
「仆街仔,咁都知,果然係我死黨呀。」我面紅紅咁應佢
「買完電話過你幾招啦,順便買埋衫整靚仔個人啦。」佢用帶有經驗語氣同我講。
人生有一知己真係死而無憾。
其實阿佑樣子都唔差,幾高大,樣又唔錯,抵佢溝到女既
咁我地就行左2樓個豐澤睇電話。


「先生,想要咩型號電話,我地依到有齊哂咁多款架」SALES哥哥同我地講
「阿佑你個部咩黎架」我一手搶左阿佑部電話,可見我地2個幾咁FRIEND,比著其他人早就嬲左我啦。
原來阿佑個部係NOKIA機黎(個時未有SMARTPHONE)
咁我就用左2千蚊買左藍色NOKIA機。
之後我地2個就行左出門口,我迫不及待拿出左阿怡電話。
拿我教你.加左佢電話,之後SMS同人佢下計,約下人出街啦。
由於我同阿怡都唔係好熟,第一句我終於SMS左比佢
「HI阿怡,阿濤呀做咩呀?」我係門口行黎行去,既興奮又擔心咁諗佢會唔會應我。
「HI阿濤,唔知解見到你SMS好搞笑,你電話新買架....」佢整左笑既表情符號,都知我電話新買架啦。
「係呀我買左電話啦,係呢你下個星期六得唔得閒,我想名陪我買衫,問下你專業意見呀嗎。」我試探下佢


等左5分鐘,我周圍行同圍走,心裡都忐忑不安咁諗,會唔會太進取,嚇親佢.個種感覺係我未有過既。
「哦,買衫好閒姐,得呀星期六約定你啦 BYE,做功課先。」阿怡又SEND左伸利符號過黎。
我開心到彈左起身,面紅紅咁講左句YES,好開心咁返左屋企。





 
已有 0 人追稿