話說而家都12月,我同阿怡都KEEP住有聯絡(依PART遲D講。)咁因為我哥哥關係,我認識到救生員呢個職業。
「細佬,你返學都冇野做架啦,不如報救生員試下,搵多D錢,溝女都有錢呀嗎。」阿哥提點我咁講
我阿哥係中學時期都做左4年暑期工救生員,算係中學時期既風雲人物,食過幾條女咁啦。
係佢提點之下,我就去左粉嶺泳池拿左拯瀝阿SIR電話。咁有日無聊之下,原來第二班都有個朋友想報埋。
佢個名叫衡,話說我中一同佢一班,有次仲係操場打過交,要同佢一齊上堂既感覺真係既陌生又有D尷尬。我知道左佢又想報名就行過佢課室同佢傾左陣計。
「阿衡,好耐冇見,你係咪都想報救生員呀,一齊報啦。」
「係呀,估唔到又見返你,哈哈,」
阿衡份人都幾多朋友,又成日過去第二班搞笑識朋友,同埋佢踼波都好勁,足球隊仲要區隊,都算有義氣個種,會鼓勵下人,我對佢都有一定程度認識。
咁我就比左阿SIR電話佢,同佢一齊上堂。
我打左比阿SIR,佢話12月13號夜晚8點粉嶺泳池門口等,黎上第一堂,我就SMS衡話佢知時間,佢收到都話好啦。


到左當晚,我同衡就係泳池門口等。
對於第一次進入社會既中學生黎講,依到既陌生又嘈吵,雖然我都有黎過,但係到考試都係第一次。社會就係人蛇混雜,無無聊聊既地方,都係中學好,最起碼佢有老師保護,依到真係自己執生。
話說正值冬天,而家得8度,仲要游埋水,真係好ON9,怪自己唔早d報名
等左5分鐘,阿SIR就出現左。
「你地好!,我叫黃SIR,而家你地入去換衫先,我教你地拯救課程。」
咁我同衡就去左更衣室換衫,唔知點解我入去泳池就會勁緊張,D腸呀胃呀會成抽拿住。
「唔洗咁緊張,放鬆D。」衡用佢一貫鼓勵人既說話支持我
係既,諗起做救生員可以賺咁多錢,我都要死頂,無計......
換完衫,我同衡就出左去泳池等阿SIR,係第9線仲有帶眼鏡既後生仔拉筋等緊阿SIR
「好啦,我係黃sir,你地既銅章課程阿SIR,你地游個200米黎比我睇睇先。」


「下,200米,...」對於我冇游咁耐水,體能又廢既我黎講,200米真係有D難度,但無法都要死頂。
阿衡都望左我一望,心諗你洗唔洗緊張成咁,因為話說我一企係跳水個舊石前面,成個身唔知點解就會硬到成舊石咁...
結果我都完成到既,游左蛙式過去。
「好啦游完,就去2.0深水區踏水5分鐘。」
結果真係人生第一次抽筋,好撚驚咁大叫左一聲阿SIR救命,黃SIR氣定神閒咁講,埋岸邊拉筋。
第一堂以抽筋
「好啦今日10點啦係咁多,你地換衫,係門口等等我。」黃SIR同我地講。
咁上岸見到帶眼鏡個男仔都一齊走,食住個勢同佢傾左計,阿衡都有小小怕陌生,見到咁既情況都順勢傾埋,拿埋電話,算係泳池識到既第一個朋友,咁出返黎門口,黃SIR都好有心咁提點下我。
「你下次游個時,唔洗咁緊張既,放鬆D啦。」黃SIR同我講。
聽到依句,真係好窩心,係個咁緊張既環境之下,阿SIR居然會鼓勵人,話說拯瀝班都算半樣政府野,依野係學校阿SIR冇既態度,過左8年之後,我仲記得黃SIR依句說話。


「好啦 話埋比你地聽時間表,一,三,五,8點準時門口等,係咁多啦,返屋企飲返杯熱野,天氣凍。係咁多。」
雖然有D GAY 但唔知點解過左咁耐都仲記得第一堂上課情況,畢竟係我第一次踏入社會,多謝你黃SIR,你鼓勵人個句說話真係好窩心。




 
已有 0 人追稿