黎到左救生員第二堂,都算係我最難忘的第二堂。
介紹銅章要做d咩先啦。
第一項係,咩牛利救溺者,由落水到救人限時1分鐘,救人距離20米。
第二項,游50米,用恤衫救溺者,由除衫到完成,限時3:15秒。
第三項,用拖救法救溺者,救人距離20米,限時1分鐘。
黎到依一堂,我竟然驚將個頭放入水!
「你一係返屋企,一係同我游。」黃SIR第一次咁大聲鬧我。
咁因為拯溺堂要交成三千蚊,我又唔想做敗家仔。就死頂,但都係唔得,最後我就走左返屋企。
返到屋企都咁諗住算數唔考。但阿衡依個時候打電話比我。
「你快D返黎上堂,有咩好驚,我同你一齊考架嗎。」阿衡用一貫鼓勵人既說話同我講。


我又諗返起當日我問阿媽拿錢既情景。
「阿媽,我想拿3千蚊去上拯溺堂。」我直接問阿媽。
「只要你係上堂既,我多多都比你。」阿媽應我。
我望住阿媽既手同樣,都因為返工變得損耗,同埋三千蚊對中學生黎講真係算多,我冇理由而家放棄,畢竟我都需要賺下錢做零用。個一刻我決定返泳池繼續上堂。
返到泳池,黃SIR叫我地游200米練氣。因為我驚水,所冇將個頭浸落水咁游。但係咁樣游得好慢會唔合格。我決定慢慢將個頭浸落水。
第一次,大啖吸氣咁落去,都係有少少驚。
第二次,奮身咁浸個頭落水,依次冇咁驚了。
黃SIR就叫我浸個頭落水呼氣。以黃SIR依D專業人士黎講,佢意見一定好可信。
我就浸個頭落水,果然唔再怕水啦。我就向前繼續游,結果完成左。總算冇白費依三千蚊,繼續我既拯溺之路。
 
已有 0 人追稿