咁我同阿怡仲間中有WHATSAPP既。
咁有次要做project,我就同左阿怡佢一組,關於經濟堂既project。我約左阿怡上黎我屋企做project。同組仲有阿佑同一個陌生既女仔啦
「打攪哂。」阿怡入黎我屋企
咁我就帶左阿怡同佢地2個入黎傾project。傾到咁上下,阿怡拿左佢電話出黎SEND SMS,我下意識望一望,似乎係另一個男仔既ICON,唔係佢男朋友黎。咁阿怡都係個種鐘意問人野,有選擇困難証既人。
「阿濤,如果你有朋友,但有個男仔溝緊你,而你同男朋友關係好差既時候,你會唔會受溝呀。」
「唔通佢同男朋就散..?」我心諗。
「我會架,個個係咪我黎」我講笑咁講。
「唔係啦,個個男仔又高我地一form既,而家佢想溝我,你話點好。」阿怡直接咁講。
「可以考慮下我架,哈哈。」我講笑咁講,心諗關我咩事姐。...
阿怡又面紅紅咁打左我一下


「傻仔濤,如果我比機會你,你係咪會服侍得我好先。」
「緊係會啦,。」
我心諗唔通阿怡佢真係比機會我?
做project做到夜晚8:30,我地就肚餓,咁阿佑同個個陌生女仔就走左先,我就同阿怡去左一間CAFE食野。
我睇睇個餐牌,叫左個雞扒飯,阿怡就叫左牛扒飯同佢最愛既凍咖啡。
「傻仔濤,估唔到你仲記得我鐘意飲咖啡,專登帶我黎依到。」阿怡好開心咁講。
傾傾下 原來佢住我附近既,食完飯就送左佢返屋企。
傾傾下計,就同左我講佢同條仔既野。
「其實我地2個可能差不多就散,佢而家溝緊第二個了,你話我知點算好。」
我地就去左公園傾左成粒鐘,原來我同佢都鐘意飲凍咖啡,原來佢屋企住我附近,又傾下佢條仔點樣識第二個又眼濕濕咁。有時又搭住我膊頭講下我點樣對佢好咁。我忍唔住,直接同佢表左次白.....阿怡會心微笑,比左次機會。跟住接落黎我有時都會陪下佢返學,展開左依段初戀之旅。




 
已有 0 人追稿