偶爾的我也會想像,被我回收過記憶的人日後會過著怎樣的人生,是變得更好,還是更差呢?

我會不會間接破壞他們的人生呢?

但是,從他們決定回收記憶起,經已為自己人生作出抉擇,而我,只是執行者,連在他們記憶裏駐足的機會都沒有。

人生,本來就只為自己負責。
自己種下的因果,最後便會由自己承受。

我在胡思亂想着甚麼?我心想着,看來我還是害怕獨處呢,我拿住控制器,召喚機器人01陪伴我,「01,你陪咗我咁耐,悶唔悶㗎?」我好奇地問。



機器人01,它是個有情感的機器人,雖然沒有人類的面貌,但情感上能媲美真正的人類。而且,它可是陪伴我多時,我唯一的「朋友」。

「我唔會覺得悶㗎,正因為人類嘅悶,我先會出現係你身邊陪住你。」

「如果人人都可以好似你咁就好,唔會有煩惱,唔會因爲過去而束縛住自己,記憶,真係咁重要?」

「我永遠都唔會好似人類咁有煩惱,不過我覺得記憶好重要,記憶直接影響人嘅性格,而我哋機械人只可以依賴住程式嘅設計而產生所謂嘅情感。我都好想體會點樣因爲一個人而活得死去活來,我覺得有痛楚先代表人係有血有肉嘅存在價值。」01這番說話,不禁讓我懷疑它是由人類假扮而成。

「或者呢啲就係記憶嘅重要性,唉算啦,我走唔到㗎啦,你都係陪我過世啦。」我苦笑地說。



這出口,本來就不打算給予自己離開
已有 0 人追稿