「楚瑩,唔好訓啦,快啲起身啦。」

我揉揉眼睛,氣色紅潤的爺爺健康地坐在床上,緊握著我的雙手。

「爺爺你無事啦? 真係太好啦,睇嚟向流星雨許願真係有用㗎!爺爺對唔住啊,我之前掛住讀書都無揾你,但唔緊要,等你好翻我哋再一齊去食同玩。」

他面色凝重,沉着氣地說:「楚瑩,爺爺無怪過你,讀書永遠都係最重要,你有孝順我嘅心就足夠,爺爺真係老啦,唔可以好似以前咁日日陪住你,見證住你成長。但我真係好唔捨得你,好想睇住你畢業同結婚......可惜無呢個機會,不過你要好好記住,爺爺會一直係你心裏面,將所有祝福都送比你,見到你幸福,就係爺爺最大嘅心願。」

「爺爺你講咩啊?你咪好翻囉,唔好講啲唔吉利嘅說話,我唔準你咁講!」



他逕自繼續說:「再見啦,我嘅乖孫。」

「爺爺!爺爺!」我不斷大喊,卻被媽媽喚醒,幸好這只是夢境,爺爺還健在。

「楚瑩,你冷靜聽我講,爺......爺爺佢啱啱走咗......」媽媽也禁不住淚水,嚎哭起來,我呆住了,難不成是爺爺報夢給我?

爺爺,我會緊記你的遺言,你從來都沒有離開過,你永遠都在我心中。

可是,我還是很想念你......



//

「你可唔可以做我一日樹窿?」我把訊息傳送至Tim。

「I am always ready.」他秒回。
已有 0 人追稿